မတ်လ ၂၈ ရက် မွန်းလွဲပိုင်းအချိန်မှာ အင်အားပြင်းငလျင်လှုပ်ခတ်ခဲ့တဲ့အတွက် ရန်ကုန်-မန္တလေး ရထားခရီးစဥ်များ ယာယီဖျက်သိမ်းလိုက်တယ်လို့ ရန်ကုန်ဘူတာကြီးကနေ သိရပါတယ်။ ယခုလိုဖျက်သိမ်းလိုက်မှုကတော့ မတ်လ ၂၉ ရက် နံနက် ၅ နာရီမှာ ရန်ကုန်ကနေထွက်ခွာမယ့် အမှတ် (၁၁) အဆန်ရထားနှင့် နံနက် ၆ နာရီမှာ ထွက်ခွာမယ့် DEMU ရထားခရီးစဉ်တို့ကို ဖျက်သိမ်းထားတာ ဖြစ်ပါတယ်။ လက်ရှိတွင် နေပြည်တော်မှ ရန်ကုန်သို့ဆိုက်ရောက်မည့် DEMU ရထားကို ရေနီတွင်ရပ်ဆိုင်းထားရပြီး၊ ၎င်း၏ နောက်တွင် မန္တလေးမှ ရန်ကုန်သို့ဝင်ရောက်မည့် အမှတ် (၁၂) အစုန်ရထားလည်း လမ်းခရီးတွင် ရပ်နားထားရကြောင်း သိရပါတယ်။ ဒါကြောင့် ရထားခရီးစဉ်အတွက် လက်မှတ်ဝယ်သူထားတဲ့ ခရီးသည်များကို ငွေပြန်အမ်းသွားမှာ ဖြစ်ကြောင်း သိရပါတယ်။ (NVS 004)