“လာမယ့်နွေရာသီမှာ အသင်းပြောင်းရွှေ့ဖွယ်ရှိနေတဲ့ ရီးရဲလ်အသင်းရဲ့ လူငယ်ကစားသမား အန်းဒရစ်”
28 Mar
ရီးရဲလ်အသင်းရဲ့ လူငယ်တိုက်စစ်ကစားသမား အန်းဒရစ် က လာမယ့်နွေရာသီမှာ အသင်းပြောင်းရွှေ့ဖွယ်ရှိကြောင်း သိရပါတယ်။ ဘရာဇီးလ်လက်ရွေးစင်တိုက်စစ်ကစားသမား အန်းဒရစ် က ပြီးခဲ့တဲ့နွေရာသီကမှ ဘရာဇီးလ်ကလပ် ပါမီးရပ်စ် အသင်းမှ ရီးရဲလ်အသင်းသို့ ပြောင်းရွှေ့လာခဲ့သူဖြစ်ပါတယ်။ အန်းဒရစ် ဟာ ရီးရဲလ်အသင်းတိုက်စစ်မှာ နာမည်ကျော် ကစားသမားများ ရှိနေတာကြောင့် ပွဲထွက်ခွင့်ရရှိရန် ရုန်းကန်နေရပါတယ်။ အန်းဒရစ် ဟာ ယခုရာသီမှာ ရီးရဲလ်အသင်း အတွက် ပြိုင်ပွဲစုံ ၂၈ ပွဲမှာ ၆ ဂိုး သွင်းယူထားပေမယ့် ပွဲအများစုမှာ လူစားဝင်အဖြစ်သာ ဝင်ရောက်ကစားခဲ့ရခြင်းဖြစ်ပါတယ်။ လာမည့် ၂၀၂၆ ခုနှစ်မှာ ကျင်းပမယ့် ကမ္ဘာ့ဖလားပြိုင်ပွဲမှာ အန်းဒရစ် အနေနဲ့ ဘရာဇီးလ်အသင်းမှာ ရွေးချယ်မခံရ မည်ကို စိုးရိမ်ကြောင်း ဖွင့်ဟခဲ့ပါတယ်။ ဒါကြောင့် အန်းဒရစ် က လာမည့်နွေရာသီမှာ ပွဲထွက်ခွင့်ရနိုင်တဲ့ အသင်းတစ် သင်းသို့ ပြောင်းရွှေ့ကစားဖွယ်ရှိနေကြောင်း သိရပါတယ်။ (NVS 008)
