" မြန်မာနိုင်ငံရုပ်ရှင်အစည်းအရုံးသင်္ကြန်အကြို သက်ကြီးပူဇော်ပွဲ ကျင်းပမည်"
28 Mar
မဟာသင်္ကြန်နှစ်သစ်အကြိုပွဲတော်အဖြစ် ဧပြီလ ၉ ရက် နံနက် ၈ နာရီခွဲကနေ ညနေ ၆ နာရီအထိ ဗဟန်းမြို့နယ်၊ ဝင်္ကဘာလမ်းရှိ မြန်မာနိုင်ငံရုပ်ရှင်အစည်းအရုံးမှာ ကျင်းပသွားမယ်လို့ သိရပါတယ်။ မဟာသင်္ကြန်နှစ်သစ်အကြိုပွဲတော်မှာ အသက် ၈၅ နှစ်အထက် သက်ကြီးပူဇော်ပွဲကိုပါ ထည့်သွင်းကျင်းပ သွားမယ်လို့ မြန်မာနိုင်ငံရုပ်ရှင်အစည်းအရုံးကနေ သိရပါတယ်။ အဆိုပါပွဲတော်မှာ မနက် ၈ နာရီခွဲကနေ ၁၀ နာရီအထိ ရုပ်ရှင်လောကထဲက အသက် ၈၅ နှစ်အထက် သက်ကြီးဝါကြီးတွေကို မုန့်ဟင်းခါး၊ ကြာဇံဟင်းခါး၊ လက်ဖက်ရည် စတာတွေကို ကျွေးမွေးလှူဒါန်းတာနဲ့အတူ သက်ကြီးပူဇော်ပွဲကို ကျင်းပမှာဖြစ်တယ်လို့ ဆိုပါတယ်။ အဲဒီနောက် မနက် ၁၀ နာရီမှာ ရုပ်ရှင်မိသားစုကလေးတွေအတွက် ကစားစရာပစ္စည်းတွေ မဲဖောက်ပေးခြင်း၊ မနက် ၁၁ နာရီခွဲ အချိန်မှာ နေ့လယ်စာကျွေးမွေးခြင်းနဲ့ နေ့လယ် ၁ နာရီအချိန်မှာ မောင်တို့ချယ်ရီမြေ ဇာတ်ကားပြသခြင်းနဲ့ ညနေပိုင်းမှာ ဗလာမပါကံစမ်းမဲ ဖောက်ပေးခြင်းတို့ကို ထည့်သွင်းကျင်းပသွားမယ်လို့ သိရပါတယ်။ (NVS 004)
