ယခုဘဏ္ဍာနှစ်၏ ဆယ့်တစ်လတာကာလအတွင်း ပြည်ပသို့ ပုစွန်တင်ပို့မှုမှ အမေရိကန်ဒေါ်လာ ၂၆ ဒသမ ၃၅၆ သန်းရရှိထားကြောင်း ငါးလုပ်ငန်းဦးစီးဌာမှ သိရပါတယ်။ ၂၀၂၄-၂၀၂၅ ဘဏ္ဍာနှစ်၊ ဧပြီလမှ ဖေဖော်ဝါရီလကုန် ပုံမှန်ကုန်သွယ်မှုမှ ပုစွန်တန်ချိန် ၆,၄၆၅ ဒသမ ၂၇၂ တန် တင်ပို့ထားပြီး အမေရိကန်ဒေါ်လာ ၁၈ ဒသမ ၀၇၂ သန်းရရှိထားကြောင်း၊ အလားတူ နယ်စပ်ကုန်သွယ်မှုမှ ပုစွန်တန်ချိန် ၆,၄၆၅ ဒသမ ၂၇၂ တန်တင်ပို့ထားပြီး အမေရိကန်ဒေါ်လာ ၈ ဒသမ ၂၈၄ သန်းရရှိထားကြောင်း သိရပါတယ်။ မြန်မာနိုင်ငံအနေနဲ့ ငါး၊ ပုစွန် အပါအဝင် ရေထွက်ကုန်ပစ္စည်းများကို တရုတ်၊ ထိုင်း၊ ဘင်္ဂလားဒေ့ရှ် နှင့် ဂျပန်နိုင်ငံများအပါအဝင် နိုင်ငံပေါင်း ၄၀ ကျော်ကို တင်ပို့ရောင်းချနေရပြီး ရန်ကုန်မြို့မှတစ်ဆင့် ပုံမှန်ရေကြောင်း ကုန်သွယ်မှုမှတင်ပို့သည့်အပြင် နယ်စပ်ကုန်သွယ်ရေးမှလည်း တိုက်ရိုက်တင်ပို့လျက်ရှိကြောင်း သိရပါတယ်။ (NVS 004)