“သင်္ကြန်ကာလအတွင်း ယဉ်ကျေးမှုဇုန်များ ဖွင့်လှစ်ပေးထားမည်”
28 Mar
သင်္ကြန်ကာလအတွင်း ယဉ်ကျေးမှုဇုန်များကို အများပြည်သူများ လေ့လာအပန်းဖြေနိုင်ရန်အတွက် ဖွင့်လှစ် ပေးထားမည်ဖြစ်ကြောင်း ရှေးဟောင်းသုတေသနနှင့်အမျိုးသားပြတိုက် ဦးစီးဌာနမှ သိရပါတယ်။ မြန်မာသက္ကရာဇ် ၁၃၈၆ ခုနှစ် မဟာသင်္ကြန်ကာလအတွင်း မန္တလေး တိုင်းဒေသကြီးရှိ ပင်းယယဉ်ကျေးမှုဇုန်၊ အင်းဝယဉ်ကျေးမှုဇုန်၊ ပုဂံယဉ်ကျေးမှုဇုန်၊ ပဲခူးယဉ်ကျေးမှုဇုန်နှင့် သရေခေတ္တရာယဉ်ကျေးမှုဇုန် တို့ကို အများပြည်သူ များ လာရောက်လေ့လာအပန်းဖြေနိုင်ရန် ဖွင့်လှစ်ပေးထားမှာ ဖြစ်ပါတယ်။ အဆိုပါယဉ်ကျေးမှုဇုန်တွေထဲမှ ခရီးသွားတွေ အသွားအလာများတဲ့ ပင်းယ၊ အင်းဝ နဲ့ ပုဂံ ယဉ်ကျေးမှုဇုန်တို့ တွင် ခရီးသွားများ ဝင်ရောက်မှုရှိတဲ့ နေရာများဖြစ်ပြီး ၎င်းဇုန်များကို သင်္ကြန်ကာလမှာ ဖွင့်လှစ်ပေးထားမှာ ဖြစ်သလို ကျန်တဲ့ ပဲခူး၊ သရေခေတ္တရာ ယဉ်ကျေးမှုဇုန်တွေကို အခုနှစ်မှာ စတင်ဖွင့်လှစ်ပေးထားမှာ ဖြစ်ပါတယ်။ ယဉ်ကျေးမှုဇုန်များကို သင်္ကြန်ကာလမှာ ဖွင့်လှစ်ပေးထားမှာဖြစ်ပေမယ့် ဇုန်ဧရိယာများအတွင်းရှိ ရှေးဟောင်း ယဉ်ကျေးမှုပြတိုက်များကိုတော့ ပိတ်ထားမှာဖြစ်ကြောင်း၊ အလားတူ ရှေးဟောင်းယဉ်ကျေးမှုအမွေအနှစ်လက်ရာများ တည်ရှိရာ မြနန်းစံကျော် ရွှေနန်းတော်ကိုလည်း ပိတ်ထားမှာဖြစ်ကြောင်း သိရပါတယ်။ (NVS 004)
