မဟာသင်္ကြန်ပွဲတော်ကာလအတွင်း ဒဂုံမြို့နယ်ရှိ ရွှေတိဂုံစေတီတော်ကြီးကို ပိတ်ရက်မရှိ ဖွင့်လှစ်ထားမှာ ဖြစ်ပြီး နှစ်ဆန်းတစ်ရက်နေ့မှာ နှစ်သစ်မင်္ဂလာအခမ်းအနားကျင်းပမှာဖြစ်ကြောင်း ရွှေတိဂုံစေတီတော်ဂေါပကမှ သိရပါတယ်။ နှစ်သစ်မင်္ဂလာအခမ်းအနားကို သင်္ကြန်ပွဲတော်ကာလအပြီး ဧပြီလ ၁၇ ရက်မြန်မာနှစ်ဆန်း ၁ ရက်မှာ ပြုလုပ်မှာ ဖြစ်ပါတယ်။ နှစ်ဆန်းတစ်ရက်နေ့မှာ နံနက်ပိုင်းအရုဏ်တက်ချိန်တွင် သြဝါဒစရိယဆရာတော်များကို အရုဏ်ဆွမ်းကပ် လှူဒါန်းခြင်း၊ စေတီတော်ကြီးရဲ့ ရှေးဟောင်းဗုဒ္ဓရုပ်ပွားတော်များတန်ဆောင်းမှာ နှစ်သစ်မင်္ဂလာ အခမ်းအနားဖွင့်ပွဲနှင့် အလှူပွဲတွေကို ပြုလုပ်သွားမည်ဖြစ်ကြောင်းနှင့် နေ့စဉ်နံနက် ၅ နာရီမှ ညနေ ၈ နာရီအချိန် အတွင်း ဘုရားပရဝုဏ်ကို ဖွင့်လှစ်ပေးထားမည်ဖြစ်ကြောင်း သိရပါတယ်။ (NVS 004)