ရီးရဲလ်မက်ဒရစ်အသင်းနှင့် ခရိုအေးရှားအသင်း ကွင်းလယ်ကစားသမား မိုဒရစ် က မိမိအနေဖြင့် ကစားသမား ဘဝမှ အနားယူမည်ဆိုသော သတင်းများက ကောလာဟလများသာဖြစ်ပြီး အသင်းနှင့်အတူ အောင်မြင်မှုများစွာ ရယူသွားမည်ဖြစ်ကြောင်း ပြောကြားခဲ့ပါတယ်။ အသက် ၃၉ နှစ်အရွယ်ရှိ ကွင်းလယ်ကစားသမား မိုဒရစ် အနေနဲ့ အသက်အရွယ်ပိုင်းအားဖြင့် အကျပိုင်းသို့ ရောက်ရှိနေပြီဖြစ်သော်လည်း လက်ရှိအချိန်အထိ ရီးရဲလ်မက်ဒရစ်အသင်းနှင့်အတူ ခြေစွမ်းပြထားနိုင်ဆဲဖြစ်ပါတယ်။ မိုဒရစ် ဟာ ရီးရဲလ်မက်ဒရစ်အသင်းနှင့်အတူ ၂၀၁၂-၂၀၁၃ မှ လက်ရှိဘောလုံးရာသီအထိ ပြိုင်ပွဲစုံ ၅၇၉ ပွဲ ကစားကာ ၄၃ ဂိုး သွင်းယူပြီး ခြေစွမ်းပြထားနိုင်ခဲ့တာဖြစ်ပါတယ်။ မိုဒရစ် က ကစားသမားဘဝမှ အနားယူသွားမှာ မဟုတ်သေးကြောင်းနဲ့ အသင်းနဲ့အတူ အောင်မြင်မှုတွေလည်း ရယူသွားမှာဖြစ်ပြီး နောက်ထပ်လည်း ရီးရဲလ်မက်ဒရစ် အသင်းနဲ့အတူ သက်တမ်းတိုးစာချုပ် ချုပ်ဆိုသွားမှာဖြစ်ကြောင်း ပြောကြားခဲ့ပါတယ်။(NVS 008)