ဆီဗီလာအသင်းက ချဲလ်ဆီးအသင်းတောင်ပံကစားသမား မူဒရစ် အား အငှားဖြင့်ခေါ်ယူရန် စီစဉ်လျက် ရှိနေကြောင်း သိရပါတယ်။ အသက် ၂၄ နှစ်အရွယ်ရှိ တောင်ပံကစားသမား မူဒရစ် ဟာ ချဲလ်ဆီးအသင်းနှင့်အတူ ၂ဝ၂၂-၂၀၂၃ မှ လက်ရှိ ဘောလုံးရာသီအထိ ပြိုင်ပွဲစုံ ၇၃ ပွဲ ကစားပြီး ၁ဝ ဂိုး သွင်းယူကာ ခြေစွမ်းပြနိုင်ခဲ့ခြင်းကြောင့် ဆီဗီလာအသင်းက ခေါ်ယူရန် စီစဉ်လာခြင်း ဖြစ်ပါတယ်။ တောင်ပံကစားသမား မူဒရစ် ကိုယ်တိုင်ကလည်း လက်ရှိအချိန်မှာ အသင်းတာဝန်ရှိသူများနှင့် အဆင်မပြေ ဖြစ်နေခြင်းကြောင့် ချဲလ်ဆီးအသင်းမှ ထွက်ခွာဖွယ်ရှိနေပါတယ်။ ဒါကြောင့် ဆီဗီလာအသင်းအနေနဲ့ လာမည့်နွေရာသီ ဈေးကွက်အတွင်းတွင် ချဲလ်ဆီးအသင်းထံမှ မူဒရစ် အား ခေါ်ယူနိုင်မလားဆိုတာ စိတ်ဝင်စားဖွယ် စောင့်ကြည့်ရမှာ ဖြစ်ပါတယ်။(NVS 008)