အမ်ဘာပေ ထက် လုပ်ခလစာ ပိုမိုရရှိလိုတဲ့ ဗင်နီစီးယက်စ်

26 Mar

ရီးရဲလ်မက်ဒရစ်အသင်းရဲ့ စာချုပ်သစ်ကိုလက်ခံ၍ အသင်းတွင်ဆက်နေရန် ဗင်နီစီးယက်စ် က ဆုံးဖြတ်ခဲ့ သော်လည်း တိုက်စစ်မှူး အမ်ဘာပေ ရရှိနေတဲ့ လုပ်ခလစာထက် ၃၀ ရာခိုင်နှုန်းကျော် ပိုမိုရရှိလိုကြောင်း ထုတ်ဖော်ပြောကြားခဲ့ပါတယ်။ လက်ရှိမှာ ရီးရဲလ်မက်ဒရစ်အသင်း၌ တိုက်စစ်မှူး အမ်ဘတ်ပီ က တစ်နှစ်လုပ်ခလစာ စတာလင်ပေါင် ၁၂ ဒသမ ၄ သန်းရရှိနေပြီး တိုက်စစ်မှူး ဗင်နီစီးယက်စ် က အသင်းဖော်ကစားသမား အမ်ဘာပေ ရရှိနေတဲ့ လုပ်ခလစာထက် ပိုမိုရရှိလိုနေခြင်းဖြစ်ပါတယ်။ အသက် ၂၄ နှစ်အရွယ်ရှိ တိုက်စစ်မှူး ဗင်နီစီးယက်စ် ကို ဆော်ဒီပရိုလိဂ်က မြင့်မားတဲ့ပြောင်းရွှေ့ကြေးဖြင့် ခေါ်ယူရန်ကမ်းလှမ်းနေမှုကြောင့် ရီးရဲလ်မက်ဒရစ်အသင်းက ကစားသမားကို ဆက်လက်ထိန်းသိမ်းရန်ဆွေးနွေးခဲ့ရာ ဗင်နီစီးယက်စ် က အသင်းတွင် ဆက်ကစားရန် အတည်ပြုထားသော်လည်း လုပ်ခလစာ ပိုမိုရရှိလိုတာဖြစ်ပါတယ်။ ဗင်နီစီးယက်စ် က ရီးရဲလ်မက်ဒရစ်အသင်းနှင့်အတူ ပြိုင်ပွဲစုံ ပွဲပေါင်း ၃၀၀ တွင် သွင်းဂိုး ၁၀၂ ဂိုးနှင့် ဂိုးဖန်တီးမှု ၇၆ ကြိမ်အထိပြုလုပ်ကာ ခြေစွမ်းပြသနေသူဖြစ်ပါတယ်။ (NVS 008)

26 Mar

ADVERTISE HERE .