တစ်လတာအကောင်းဆုံးနည်းပြဆုကို ဘာစီလိုနာအသင်းနည်းပြ ဟန်ဆီဖလစ် ရရှိ

26 Mar

စပိန်လာလီဂါပြိုင်ပွဲ မတ်လတစ်လတာအကောင်းဆုံးနည်းပြဆုကို ဘာစီလိုနာအသင်း နည်းပြ ဟန်ဆီဖလစ် က ရရှိခဲ့ကြောင်း သိရပါတယ်။ အသက် ၆၀ အရွယ် နည်းပြဟန်ဆီဖလစ် ဟာ ဘာစီလိုနာအသင်းကို စတင်တာဝန်ယူခဲ့ပြီးနောက် အသင်းနှင့်အတူ ပထမဆုံးဘောလုံးရာသီမှာပင် ရလဒ်ကောင်းများရရှိအောင် စွမ်းဆောင်ထားနိုင်ခဲ့ပါတယ်။ မတ်လ အတွင်းကစားခဲ့တဲ့ စပိန်လာလီဂါပွဲစဉ်များတွင် ရလဒ်ကောင်းများ ဆက်တိုက်ရရှိအောင် စွမ်းဆောင်နိုင်ခဲ့ပြီး ဆိုစီဒက်စ်အသင်းနှင့်ပွဲစဉ်တွင် ၄ ဂိုးပြတ်၊ အက်သလက်တီကိုအသင်းနှင့်ပွဲစဉ်တွင် ၄ ဂိုး၊ ၂ ဂိုးရလဒ်တို့ဖြင့် ချန်ပီယံဆု အတွက် အရေးပါသည့်ပွဲစဉ်များတွင် အနိုင်ရရှိအောင် စွမ်းဆောင်နိုင်ခဲ့လို့ မတ်လတစ်လတာ အကောင်းဆုံးနည်းပြ ဆုကို ရရှိခဲ့ခြင်းဖြစ်ပါတယ်။ ဘာစီလိုနာအသင်းအနေနဲ့ နောက်ဆုံးကစားခဲ့သည့် အက်သလက်တီကိုအသင်းနှင့် အဝေးကွင်းပွဲစဉ်၌ အနိုင်ရရှိခဲ့လို့ အဆင့်(၂)နေရာမှ ရီးယဲလ်မက်ဒရစ်အသင်းထက် တစ်ပွဲလျော့ကစားထားပြီး ရမှတ်တူဖြင့် ထိပ်ဆုံးမှ ဦးဆောင်နေကာ ချန်ပီယံဆုအတွက် ရေပန်းစားလာကြောင်း သိရပါတယ်။ (NVS 008)

26 Mar

ADVERTISE HERE .