လက်ရှိဘဏ္ဍာနှစ် ၁၁ လတာအတွင်း ပြည်ပသို့ ပုစွန်မက်ထရစ်တန် ၈,၀၀၀ နီးပါး တင်ပို့ထား
26 Mar
မြန်မာနိုင်ငံမှ ပြည်ပသို့ ရေထွက်ကုန်ပစ္စည်းများတင်ပို့လျက်ရှိရာ ယခုဘဏ္ဍာနှစ် ၁၁ လတာကာလအတွင်း ပုစွန်မက်ထရစ်တန် ၈,၀၀၀ နီးပါး တင်ပို့ထားနိုင်ကြောင်း ငါးလုပ်ငန်းဦးစီးဌာနမှ သိရပါတယ်။ ၂၀၂၄-၂ဝ၂၅ ဘဏ္ဍာနှစ် ၂၀၂၄ ခုနှစ်၊ ဧပြီလ ၁ ရက်မှ ၂၀၂၅ ခုနှစ်၊ ဖေဖော်ဝါရီလ ၂၈ ရက်အထိ ၁၁ လတာကာလအတွင်း ပြည်ပသို့ ပုစွန်တင်ပို့မှုအနေဖြင့် ပုံမှန်ကုန်သွယ်မှုမှ မက်ထရစ်တန် ၆,၄၆၅ ဒသမ ၂၇၂ တန်တင်ပို့ပြီး အမေရိကန်ဒေါ်လာ ၁၈ ဒသမ ဝ၇၂ သန်း၊ နယ်စပ်ကုန်သွယ်မှုမှ မက်ထရစ်တန် ၁,၅၀၂ ဒသမ ၉၂၅ တန်တင်ပို့ပြီး အမေရိကန်ဒေါ်လာ ၈ ဒသမ ၂၈၄ သန်း ရရှိကာ စုစုပေါင်းမက်ထရစ်တန် ၇,၉၆၈ ဒသမ ၁၉၇ တန် တင်ပို့ပြီး အမေရိကန်ဒေါ်လာ ၂၆ ဒသမ ၃၅၆ သန်းရရှိခဲ့ကြောင်း သိရပါတယ်။ မြန်မာနိုင်ငံမှ ငါး၊ ပုစွန် ရေထွက်ကုန်ပစ္စည်းများကို တရုတ်၊ ထိုင်း၊ ဘင်္ဂလားဒေ့ရှ်၊ ဂျပန် စသည့်နိုင်ငံပေါင်း ၄၀ ကျော်သို့ တင်ပို့လျက်ရှိပြီး ရေထွက်ကုန်များတင်ပို့ရာတွင် ရန်ကုန်မြို့မှတစ်ဆင့် ပုံမှန်တင်ပို့သည့်အပြင် နယ်စပ် ကုန်သွယ်ရေးမှလည်း တိုက်ရိုက်တင်ပို့လျက်ရှိကြောင်း သိရပါတယ်။ (NVS 004)
