မြန်မာနိုင်ငံမှစိုက်ပျိုးထွက်ရှိတဲ့ ထောပတ်သီးများကို တရုတ်နိုင်ငံသို့ တရားဝင်တင်ပို့ခွင့်ရရှိပြီဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှ ထုတ်ပြန်ချက်အရသိရပါတယ်။ မတ်လ ၂၄ ရက်တွင် မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ်တင်ပို့ ရောင်းချသူများအသင်းမှ မြန်မာ့ထောပတ်သီးများက တရုတ်နိုင်ငံ အကောက်ခွန်အထွေထွေအုပ်ချုပ်မှု အာဏာပိုင် အဖွဲ့ (GACC) ၏ ကျန်းမာရေးစံချိန်စံညွှန်းစစ်ဆေးမှုကို အောင်မြင်ခဲ့ကြောင်း ကြေညာခဲ့ပါတယ်။ ဒါကြောင့် ၂၀၂၆-၂၀၂၇ ဘဏ္ဍာနှစ်မှစ၍ မြန်မာ့ထောပတ်သီးများကို အစိုးရချင်းကုန်သွယ်ရေးစနစ်ဖြင့် တရုတ်နိုင်ငံသို့ တရားဝင်တင်ပို့သွားရန် စီစဉ်ထားကြောင်း သိရပါတယ်။ အခုလို မြန်မာ့ထောပတ်သီးများ တင်ပို့ခွင့်ရရှိခြင်းက ဖရဲသီးနှင့် သရက်သီး တို့ပြီးနောက် တရုတ်ဈေးကွက်သို့ ထပ်မံတင်ပို့ခွင့်ရရှိခဲ့တဲ့ တတိယမြောက် သီးနှံဖြစ်ကာ မြန်မာနိုင်ငံ၏ စိုက်ပျိုးရေးထုတ်လုပ်မှုတန်ဖိုးအား ၁၂ ရာခိုင်နှုန်းခန့် မြင့်တက်စေမည်ဟု ခန့်မှန်းထားကြောင်း သိရပါတယ်။(NVS 004)