မန်ယူအသင်းဟာ လာမယ့်နွေရာသီမှာ အသင်းကို ကြီးမားတဲ့အပြောင်းအလဲတွေ ပြုလုပ်ဖို့ရှိနေပြီး ကစားသမား ၁၀ ဦးခန့်အထိ ရောင်းချဖို့စီစဉ်ထားတယ်လို့ သတင်းများက ဖော်ပြခဲ့ကြပါတယ်။ အသင်းရဲ့ရှယ်ယာရှင် အသစ်ဖြစ်တဲ့ ရက်ကလစ်ဖ် နဲ့ နည်းပြ အာမိုရင် တို့ဟာ အသင်းကို ကြီးမားတဲ့အပြောင်းအလဲတွေ ပြုလုပ်ဖို့ရှိတယ်လို့ ပြောကြားထားခဲ့ပြီး လက်ရှိမှာ အသင်းကနေရောင်းချဖွယ်ရှိနေတဲ့ ကစားသမားစာရင်းတွေပါ ထွက်ပေါ်လာခဲ့တာ ဖြစ်ပါတယ်။ မန်ယူအသင်းကရောင်းချဖို့ ကစားသမားတွေထဲမှာ အငှားထွက်ကစားနေတဲ့ အန်တိုနီ၊ ဆန်ချိုနဲ့ ရက်ရှ်ဖို့ဒ် တို့က ထိပ်ဆုံးကပါဝင်နေပါတယ်။ တိုက်စစ်မှူး ရက်ရှ်ဖို့ဒ် က ဗီလာအသင်းကို အငှားထွက်ကစား ခဲ့ပြီးနောက် ပုံမှန်ခြေစွမ်းပြန်ရလာခဲ့သလို အင်္ဂလန်လက်ရွေးစင်အသင်းမှာပါ ပြန်လည်ရွေးချယ်ခံထားရပါတယ်။ ဆန်ချို ကတော့ ချဲလ်ဆီးအသင်းမှာ ပုံမှန်နေရာရဖို့ ရုန်းကန်နေရပြီး ရာသီအကုန်မှာ မန်ယူအသင်းဆီကို ပြန်ရောက် လာဖို့ ရှိနေပါတယ်။ အန်တိုနီ ကလည်း စပိန်ကလပ် ဘက်တစ်အသင်းမှာ ခြေစွမ်းပြနေပေမယ့် အရောင်းစာရင်းထဲမှာ ပါဝင်နေတာ ဖြစ်ပါတယ်။ ဒါ့အပြင် ဝါရင့်ကစားသမားတွေဖြစ်ကြတဲ့ ကက်စ်မဲရိုး၊ အဲရစ်ဆန် နဲ့ လင်ဒီလော့ဖ် တို့ကိုလည်း ရာသီအကုန်မှာ ထွက်ခွာရဖွယ်ရှိနေသလို နောက်ခံလူ အီဗန် နဲ့ ဂိုးသမား ဟီတန် တို့ကတော့ ကစားသမား ဘဝကနေ အနားယူဖွယ်ရှိနေကြောင်း သိရပါတယ်။(NVS 008)