စီးရီးအေထိပ်သီး အေစီမီလန်အသင်းက လာမည့်နွေရာသီ ကစားသမားအပြောင်းအရွှေ့ကာလတွင် မန်စီးတီး အသင်းက ရောင်းချရန်ဆုံးဖြတ်ထားတဲ့ တောင်ပံကစားသမား ဂရီးလစ်ရှ် ကို ပြောင်းရွှေ့ကြေး ယူရို သန်း ၄၀ ပေးချေပြီး ခေါ်ယူရန်စီစဉ်နေကြောင်း သိရပါတယ်။ အေစီမီလန်အသင်းသည် အီတလီစီးရီးအေ ချန်ပီယံဆုကို ပြန်လည်စိန်ခေါ်နိုင်ရန်အတွက် လာမည့်နွေရာသီ ကစားသမားအပြောင်းအရွှေ့ကာလတွင် ကစားသမားအင်အားဖြည့်တင်းရန် ကြိုးပမ်းလျက်ရှိပြီး လက်ရှိတွင်လည်း တိုက်စစ်နေရာအတွက် ဂရီးလစ်ရှ် ကို ခေါ်ယူလိုခြင်းဖြစ်ပါတယ်။ အသက် ၂၉ နှစ်အရွယ် ဂရီးလစ်ရှ် ဟာ ၂၀၂၁ ခုနှစ်တွင် အက်စ်တွန်ဗီလာအသင်းမှ မန်စီးတီးအသင်းသို့ ယူရို သန်း ၁၀၀ ဖြင့် ပြောင်းရွှေ့ကစားခဲ့သူဖြစ်ပြီး အက်စ်တွန်ဗီလာအသင်းတွင်ကစားခဲ့စဉ်က ထိပ်တန်းအဆင့်ရှိ ခြေစွမ်းပြနိုင်ခဲ့သော်လည်း မန်စီးတီးအသင်းတွင် ခြေစွမ်းပြနိုင်ရန် ရုန်းကန်ခဲ့ရပြီး လူစားဝင်ကစားသမားအဖြစ်သာ ပါဝင်ခွင့်ရရှိနေခဲ့တာဖြစ်ပါတယ်။ မန်စီးတီးအသင်းကလည်း နွေရာသီအပြောင်းအရွှေ့ကာလတွင် ဂရီးလစ်ရှ် ကို ရောင်းချရန် ဆုံးဖြတ်ထားကြောင်း သိရပါတယ်။(NVS 008)