မန်ယူအသင်းနည်းပြ အာမိုရင် က လာမည့်နွေရာသီ ကစားသမားအပြောင်းအရွှေ့ကာလတွင် တိုက်စစ်ပိုင်း တွင် အားဖြည့်နိုင်ရန်အတွက် စပို့တင်းလစ္စဘွန်းအသင်းမှ ထရင်ကာအို ကိုခေါ်ယူရန် ကြိုးပမ်းလျက်ရှိကြောင်း သိရပါတယ်။ ထရင်ကာအို ဟာ စပို့တင်းလစ္စဘွန်းအသင်းတွင် လက်ရှိမန်ယူအသင်းနည်းပြ အာမိုရင် နဲ့ လက်တွဲခဲ့ဖူးသူ ဖြစ်ပြီး စပို့တင်းလစ္စဘွန်းအသင်းကို နည်းပြ အာမိုရင် ကိုင်တွယ်စဉ်က အားထားရတဲ့ ကစားသမားများအနက် တစ်ဦးအပါအဝင် ဖြစ်ခဲ့ပါတယ်။ ဒါကြောင့် နည်းပြ အာမိုရင် က ထရင်ကာအို ကိုခေါ်ယူရန် ပစ်မှတ်ထားနေခြင်း ဖြစ်ပါတယ်။ ထရင်ကာအို အနေနဲ့ စပို့တင်းလစ္စဘွန်းအသင်းတွင် တောင်ပံတိုက်စစ်နေရာတွင်သာမက ဘယ်တောင်ပံ ခံစစ်နေရာတွင်ပါ အကောင်းဆုံးကစားနိုင်သူဖြစ်လို့ နည်းပြ အာမိုရင် က ထရင်ကာအို ကိုခေါ်ယူပြီး တိုက်စစ်ပိုင်းကို အင်အားဖြည့်တင်းလိုခြင်း ဖြစ်ပါတယ်။ လက်ရှိတွင် ထရင်ကာအို ကို မန်ယူအသင်းအပြင် ဘာစီလိုနာနှင့် နယူးကာဆယ်အသင်း တို့ကလည်း အပြိုင်ကမ်းလှမ်းမှုများလုပ်ဆောင်ရန် ပစ်မှတ်ထားနေကြောင်း သိရပါတယ်။ (NVS 008)