ဆီဒင်အဆင့် (၃) ရထားတဲ့ အမေရိကန်တင်းနစ်မယ် ကိုကိုဂတ်ဖ် ဟာ မိုင်ယာမီအိုးပင်း စတုတ္ထအဆင့်ပွဲစဉ်မှ ထွက်ခွာခဲ့ရပါတယ်။ ကိုကိုဂတ်ဖ် ဟာ စတုတ္ထအဆင့်မှာ ပိုလန်တင်းနစ်မယ် လင်နက်တီ နဲ့ ယှဉ်ပြိုင်ခဲ့ရတာဖြစ်ပြီး ရှေ့ပိုင်းပွဲစဉ်တွေမှာယှဉ်ပြိုင်ခဲ့တဲ့ အမေရိကန်တင်းနစ်မယ်တွေ ရလဒ်ဆိုးများရရှိခဲ့လို့ အခုပွဲမှာလည်း ကိုကိုဂတ်ဖ် ကို နိုင်ပွဲရရန်မျှော်လင့်ထားခဲ့ပေမယ့် အရှုံးရလဒ်ကို ရရှိခဲ့တာဖြစ်ပါတယ်။ ပထမပွဲလတ်မှာ ရှုံးနိမ့်မှုနဲ့အတူ ကိုကိုဂတ်ဖ် အနေနဲ့ ဖိအားများခဲ့ရပြီး ဒုတိယပွဲလတ်မှာ ပုံမှန်လက်စွမ်း ပြနိုင်ဖို့ကို ရုန်းကန်ခဲ့ရပါတယ်။ ပွဲကစားချိန် ၁ နာရီနဲ့ ၂၉ မိနစ်သာ ကြာမြင့်ခဲ့ပြီးနောက် လင်နက်တီ က ၆း၄၊ ၆း၄ ရလဒ်နဲ့ အနိုင်ရခဲ့ပြီး ကွာတားဖိုင်နယ်အဆင့်ကို တက်ရောက်သွားနိုင်ခဲ့ပါတယ်။ စတုတ္ထအဆင့်မှာ အမေရိကန်တင်းနစ်မယ်များအနက် လက်ရှိချန်ပီယံ ကောလင်းစ်၊ ကရူဂါ၊ အန်နက်စီမိုဗာ နဲ့ ကိုကိုဂတ်ဖ် တို့ ပြိုင်ပွဲကနေထွက်လိုက်ရပြီး ပီဂူလာ တစ်ဦးတည်းသာ ကွာတားဖိုင်နယ်ကို တက်ရောက်နိုင်ခဲ့တာ ဖြစ်ပါတယ်။ ကိုကိုဂတ်ဖ် ကို အနိုင်ရခဲ့တဲ့ လင်နက်တီကတော့ ကွာတားဖိုင်နယ်မှာ အီတလီတင်းနစ်မယ် ပါအိုလီနီ နဲ့ ရင်ဆိုင်ရမှာဖြစ်ပါတယ်။(NVS 008)