လီဗာပူးအသင်းက လက်ရှိဘောလုံးရာသီအကုန်တွင် အသင်းမှထွက်ခွာဖို့ရှိနေတဲ့ ခံစစ်ကစားသမား အာနိုး ရဲ့နေရာမှာ လေဗာကူဆင်အသင်းကစားသမား ဖရန်ပေါင် နဲ့အစားထိုးရန် စီစဉ်နေကြောင်း သိရပါတယ်။ အာနိုး ဟာ လီဗာပူးအသင်းအကယ်ဒမီထွက် ကစားသမားတစ်ဦးဖြစ်ပြီး ၂၀၁၆ ခုနှစ်မှစ၍ အသင်းတွင် ပါဝင်ကစားခဲ့ကာ ဘောလုံးရာသီတိုင်းတွင် အကောင်းဆုံးခြေစွမ်းပြနိုင်ခဲ့ပြီး လက်ရှိဘောလုံးလောက၌ အကောင်းဆုံး ခံစစ်ကစားသမားများတွင် ပါဝင်နေပါတယ်။ ဖရန်ပေါင် ကလည်း ၂၀၂၁ ခုနှစ်မှာ ဆဲလ်တစ်အသင်းမှ လေဗာကူဆင်အသင်းသို့ ပြောင်းရွှေ့ကစားပြီးနောက် အသင်းနှင့်အတူ အကောင်းဆုံးခြေစွမ်းပြလျက်ရှိပြီး လာမည့်နွေရာသီ ကစားသမားအပြောင်းအရွှေ့ကာလတွင် လေဗာကူဆင်အသင်းမှထွက်ခွာရန် ဆုံးဖြတ်ထားလို့ လီဗာပူးအသင်းက အာနိုး ရဲ့နေရာတွင် အစားထိုးရန် စီစဉ်နေခြင်းဖြစ်ပါတယ်။ ဖရန်ပေါင် အတွက် ပြောင်းရွှေ့ကြေးကို လေဗာကူဆင်အသင်းက ယူရို သန်း ၄၀ သတ်မှတ် ထားကြောင်းလည်း သိရပါတယ်။(NVS 008)