ကရင်ပြည်နယ်၊ ဘားအံမြို့ သံလွင်မြစ်ဘေးတွင် နန်းဖော့အွာသဲသောင်ပြင်သင်္ကြန်ကို ဧပြီလတစ်လလုံးနီးပါး ကျင်းပသွားရန် ကြိုတင်ပြင်ဆင်မှုများ ဆောင်ရွက်လျက်ရှိကြောင်း သိရပါတယ်။ ၂၀၂၅ ခုနှစ်၊ ဧပြီလတစ်လလုံးနီးပါး ကျင်းပသွားမှာဖြစ်ပြီး ဘားအံကမ်းနားညဈေးအနီးမှာရှိတာကြောင့် ရေကစားရင်း အစားအသောက်များကို သုံးဆောင် နိုင်မှာဖြစ်တယ်လို့ သိရပါတယ်။ အဆိုပါ နန်းဖော့အွာသဲသောင်ပြင်သင်္ကြန်ကို ရပ်ဝေး/ ရပ်နီးမှ မိတ်ဆွေများအနေဖြင့် ဘားအံမြေ၏ လည်ပတ် စရာ အထင်ကရနေရာများ၊ သာယာလှပသည့် ရေတံခွန်တော၊ တောင်စိမ့်စမ်းနွေအလှများကိုခံစားကာ လာရောက် လည်ပတ်နိုင်ကြောင်းနှင့် သံလွင်မြစ်အတွင်း ရေစိမ်၊ ကူးခတ်၊ ဆင်နွှဲကြကာ တစ်နှစ်တာအတွင်း ကိုယ်စိတ်နှလုံး ပင်ပန်းနွမ်းနယ်ခဲ့သမျှကို အပန်းဖြေရန် ဒေသခံများက ဖိတ်ခေါ်ထားကြောင်း သိရပါတယ်။(NVS 004)