မတ်လ ၂၃ ရက်က နေပြည်တော်ရှိ ဥပဒေရေးရာဝန်ကြီးဌာနမှာ တိုင်းဒေသကြီး/ပြည်နယ် ဥပဒေချုပ်တွေ၊ တိုင်းဒေသကြီး/ပြည်နယ် ဥပဒေအရာရှိတွေ၊ ခရိုင်ဥပဒေအရာရှိတွေနဲ့ တွေ့ဆုံရာမှာ ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာ သီတာဦး က ဥပဒေရုံးအဆင့်ဆင့်မှာ အမှုကိစ္စရပ် စီမံခန့်ခွဲမှုစနစ်ကောင်းမွန်စေဖို့ ရှေ့ပြေးဥပဒေရုံး ၁၈ ရုံးအပြင် မဟာဗျူဟာစီမံကိန်း ၂၀၂၅-၂၀၂၉ အရ ရှေ့ပြေး ဥပဒေရုံးများ တိုးချဲ့တည်ထောင်သွားမယ်လို့ ပြောကြားခဲ့ပါတယ်။ မဟာဗျူဟာစီမံကိန်းအရ ဥပဒေအသိပညာဆိုင်ရာ ဒီပလိုမာဘွဲ့သင်တန်းနဲ့ တက္ကသိုလ်ကျောင်းသားတွေနဲ့ ရှေ့နေ ရှေ့ရပ်တွေအတွက် ဥပဒေပညာရပ်ဆိုင်ရာသင်တန်းတွေ ဖွင့်လှစ်တာ၊ Grade-12 သင်ရိုးညွှန်းတမ်းမှာ ဥပဒေဘာသာရပ် ထည့်သွင်းပို့ချနိုင်ဖို့ ဆောင်ရွက်တာနဲ့ e-library တည်ထောင်တာတွေကို တိုးချဲ့ဆောင်ရွက်သွားမှာ ဖြစ်တယ်လို့ ဒေါက်တာ သီတာဦးက ပြောကြားခဲ့ပါတယ်။ ဒါ့အပြင် ပြည်သူလူထုအကြား ဥပဒေဗဟုသုတအသိပညာတွေ အလွယ်တကူ ပျံ့နှံ့နိုင်စေဖို့နဲ့ ဥပဒေ ဝန်ဆောင်မှုတွေကို အလွယ်တကူ လက်လှမ်းမီစေဖို့ AI နည်းပညာနဲ့ ဥပဒေအသိပညာပြန့်ပွားရေး ကြီးကြပ်မှု ကော်မတီကို နိုင်ငံတော် စီမံအုပ်ချုပ်ရေးကောင်စီက ဖွဲ့စည်းပေးပြီး ဖြစ်တယ်လို့ သိရပါတယ်။ (NVS 004)