“ရန်ကုန်တရုတ်ယဉ်ကျေးမှုစင်တာမှာ နာမည်ကြီးတရုတ်ရုပ်ရှင်ဇာတ်ကားများ အပတ်စဉ်ပြသပေးနေ”
25 Mar
ရန်ကုန်မြို့၊ အလုံမြို့နယ်ရှိ ရန်ကုန်တရုတ်ယဉ်ကျေးမှုစင်တာမှာ လူကြိုက်များသော တရုတ်ရုပ်ရှင်ဇာတ်ကား ကောင်းများကို အပတ်စဉ် စနေနေ့တိုင်း ပြသပေးလျက်ရှိကြောင်း သိရပါတယ်။ ရန်ကုန်တရုတ်ယဉ်ကျေးမှုစင်တာ၏ “Weekend ရုပ်ရှင်အစီအစဉ်” အတွက် လူကြိုက်များသောတရုတ်ရုပ်ရှင် ဇာတ်ကားကောင်း ၁၀ ကားကို ရွေးချယ်ထားပြီး အပတ်စဉ် စနေနေ့တိုင်း ဇာတ်ကား ၁ ကားနှုန်းဖြင့် ပြသပေးနေခြင်း ဖြစ်ကြောင်း သိရပါတယ်။ အဆိုပါ တင်ဆက်ပြသမှုကို မည်သူမဆို အခမဲ့ဝင်ရောက်ကြည့်ရှုနိုင်ပြီး မှတ်ပုံတင်သို့မဟုတ် သက်သေခံ ကတ်ပြား ယူဆောင်လာရန် လိုအပ်ကြောင်း သိရပါတယ်။ ပွဲတော်ပိတ်ရက်များ သို့မဟုတ် အခြားသော အစီအစဉ်များ နှင့် အချိန်တိုက်မှုများကြောင့် အပြောင်းအလဲတစ်စုံတစ်ရာရှိပါက ပြောင်းလဲပြင်ဆင်မှုအတွက် ကြိုတင် အကြောင်းကြား ပေးမည်ဟု ရန်ကုန်တရုတ်ယဉ်ကျေးမှုစင်တာက အသိပေးထုတ်ပြန်ထားပါတယ်။ ၎င်းအစီအစဉ်က ရုပ်ရှင်ဝါသနာရှင် များအတွက် ကောင်းမွန်သော အခွင့်အလမ်းတစ်ခုဖြစ်ပြီး တရုတ်ယဉ်ကျေးမှုနှင့် ရုပ်ရှင်အနုပညာကို စိတ်ဝင်စားသူ များအတွက် လေ့လာနိုင်တဲ့ အခွင့်အရေးတစ်ရပ်လည်း ဖြစ်ကြောင်း သိရပါတယ်။ (NVS 004)
