“တာချီလိတ်မြို့အတွင်း ရေကြီးရေလျှံမှုမဖြစ်ပွားစေရန် မြို့တွင်းရှိ ချောင်းများကို အမှိုက်များရှင်းလင်း”
25 Mar
ထိုင်း-မြန်မာနယ်စပ် တာချီလိတ်မြို့အတွင်း လာမယ့်မိုးရာသီကာလ ရေကြီးရေလျှံမှုမဖြစ်ပွားစေရန် မြို့တွင်း ချောင်း ၆ ချောင်းရှိ အမှိုက်များရှင်းလင်းလျက်ရှိတယ်လို့ သိရပါတယ်။ စည်းကမ်းမဲ့အမှိုက်ပစ်သူများကြောင့် မယ်ဆိုင်ချောင်း၊ နမ့်ယွန်းချောင်း၊ မယ်ခေါင်ချောင်း၊ နိုင်းနိုင်းချောင်း၊ ဆန်ဆိုင်း ၁၂ လမ်းချောင်း၊ ခိုတောင်ချောင်းများအတွင်း အမှိုက်များပိတ်ဆို့နေတဲ့အတွက် ရှင်းလင်းပေးလျက် ရှိကြောင်း သိရပါတယ်။ ဒါ့အပြင်ချောင်းများအတွင်းစည်းကမ်းမဲ့ အမှိုက်များ စွန့်ပစ်နေသူများတွေ့ရှိပါက စည်ပင်ဥပဒေနှင့် အရေးယူ မည်ဖြစ်ကြောင်း မြို့နယ်စည်ပင်သာယာရေးဌာနမှ ထုတ်ပြန်ထားပါတယ်။ အခုလိုစည်းကမ်းမဲ့ အမှိုက်စွန့်ပစ် ခြင်းကြောင့် မြို့အင်္ဂါရပ်နှင့် ညီညွတ်မှုမရှိဘဲ အမြင်မကောင်းခြင်း၊ ရေစီးရေလာကောင်းမွန်မှုမရှိခြင်း၊ အနံ့အသက် မကောင်းခြင်း၊ ကျန်းမာရေးထိခိုက်ခြင်းနှင့် သဘာဝပတ်ဝန်းကျင် ထိခိုက်နိုင်ခြင်းတို့ဖြစ်နိုင်ကြောင်း ထုတ်ပြန်ချက် အရ သိရပါတယ်။ (NVS 004)
