"ရန်ကုန်မြို့တော်သင်္ကြန်မဏ္ဍပ်တွင် ယိမ်းအကပြိုင်ပွဲ ကျင်းပမည်"
25 Mar
ရန်ကုန်မြို့တော် မဟာသင်္ကြန်မဏ္ဍပ်မှာ ယိမ်းအကပြိုင်ပွဲတွေကို ထည့်သွင်းကျင်းပသွားမှာဖြစ်ကြောင်း ရန်ကုန် မြို့တော်စည်ပင်သာယာရေးကော်မတီကနေ သိရပါတယ်။ ယိမ်းအကပြိုင်ပွဲမှာ မူကြိုကျောင်းတွေ၊ ကျောင်းတွေ၊ ရုံးနဲ့အခြားဌာနတွေ ပါဝင်ယှဉ်ပြိုင်လို့ရတဲ့ ၁၂ ဦးယိမ်း၊ ကျောင်းတွေ၊ ရုံးနဲ့အခြားဌာနတွေ ပါဝင်ယှဉ်ပြိုင်လို့ရတဲ့ ၁၆ ဦးယိမ်း၊ ရုံးနဲ့အခြားဌာနတွေ ပါဝင်ယှဉ်ပြိုင်လို့ရတဲ့ ၂၀ ဦး ယိမ်း၊ ၂၀ ဦးယိမ်းအလွတ်တန်းနဲ့ ၁၂ ဦးယိမ်း အမျိုးသားအလွတ်တန်းနဲ့ တိုင်းရင်းသားရိုးရာယဉ်ကျေးမှုူ အကတွေ ပါဝင်မှာ ဖြစ်ပါတယ်။ မြန်မာတို့ရဲ့ မဟာသင်္ကြန်ပွဲတော်ဟာ ယူနက်စကိုရဲ့ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှု အမွေအနှစ် စာရင်းဝင်ဖြစ်တာကို ကြိုဆိုဂုဏ်ပြုတဲ့အနေနဲ့ ကျင်းပတာဖြစ်တယ်လို့ သိရပါတယ်။ ယိမ်းအကပြိုင်ပွဲမှာ ဝင်ရောက် ယှဉ်ပြိုင်လိုသူတွေအနေနဲ့ မတ်လ ၃၁ ရက်နောက်ဆုံးထားပြီး ဗိုလ်တထောင်မြို့နယ်၊ (၄၆)လမ်း၊ ၁၂ ထပ်ခွဲရုံး၊ ၁၀ လွှာ ရှိ ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန(ရေစီးရေလာစီမံခန့်ခွဲမှု)မှာ လာရောက်စာရင်း ပေးသွင်းနိုင်တယ်လို့ သိရပါတယ်။ (NVS 004)
