“မိုင်ယာမီအိုးပင်းပြိုင်ပွဲ နောက်တစ်ဆင့်ကို တက်ရောက်နိုင်ခဲ့တဲ့ ရာဒူကာနူ”
24 Mar
ဗြိတိန်တင်းနစ်မယ် ရာဒူကာနူ ဟာ အခုနှစ်တင်းနစ်ရာသီမှာ အကောင်းဆုံးစွမ်းဆောင်မှုအဖြစ် အနိုင်ယူပြီး မိုင်ယာမီအိုးပင်းပြိုင်ပွဲ စတုတ္ထအဆင့်ကို တက်ရောက်နိုင်ခဲ့ပါတယ်။ မိုင်ယာမီ အိုးပင်းတတိယအဆင့်မှာ ရာဒူကာနူဟာ အမေရိကန်တင်းနစ်မယ် ကက်ဆလာနဲ့ တွေဆုံခဲ့တာ ဖြစ်ပါတယ်။ တတိယအဆင့်ပြိုင်ပွဲမှာ အမေရိကန်တင်းနစ်မယ် ကက်ဆလာ ဒဏ်ရာရရှိခဲ့တာကြောင့် ဆက်လက် ယှဉ်ပြိုင်နိုင်ခြင်းမရှိတော့လို့ ရာဒူကာနူ အနေနဲ့ နောက်တစ်ဆင့်ကို တက်ရောက်နိုင်ခဲ့တာ ဖြစ်ပါတယ်။ ရာဒူကာနူ ဟာ ဒုတိယအဆင့်ပွဲစဉ်မှာ ဆီဒင်အဆင့် (၈) အမေရိကန်တင်းနစ်မယ် နာဗာရိုး နဲ့ပွဲစဉ်က အကြိတ်အနယ် ရှိခဲ့သလို ပွဲကစားချိန်ကလည်း ၃ နာရီနီးပါး ကြာမြင့်နောက် ၇း၆၊ ၂း၆၊ ၇း၆ ဆိုတဲ့ ရလဒ်နဲ့ အနိုင်ရရှိခဲ့ပြီး တတိယအဆင့်ကို တက်ရောက်လာနိုင်ခဲ့တာ ဖြစ်ပါတယ်။ မိုင်ယာမီအိုးပင်စတုတ္ထအဆင့်မှာတော့ ရာဒူကာနူ ဟာ ဆီဒင်အဆင့် (၁၂) အမေရိကန်တင်းနစ်မယ် အာနီဆီမိုဗာနဲ့ ဆက်လက်ရင်ဆိုင်ရမှာ ဖြစ်ပါတယ်။ (NVS 008)
