“ယူရို ၂၀၂၄ ပြိုင်ပွဲအပြီးမှာ ဘယ်လ်ဂျီယံလက်ရွေးစင်အသင်းမှ အနားယူလိုကြောင်း ဝန်ခံခဲ့တဲ့ လူကာကူ”
24 Mar
ဘယ်လ်ဂျီယံလက်ရွေးစင်တိုက်စစ်မှူး လူကာကူ က မိမိအနေနဲ့ ယူရို ၂၀၂၄ ပြိုင်ပွဲအပြီးတွင် လက်ရွေးစင် ကစားသမားဘဝမှ အနားယူလိုကြောင်း ဝန်ခံပြောကြားခဲ့ပါတယ်။ အသက် ၃၁ နှစ်အရွယ်ရှိ လူကာကူ က ဘယ်လ်ဂျီယံအသင်းရဲ့ ရွှေရောင်မျိုးဆက်တစ်ဦး ဖြစ်ပါတယ်။ သို့သော် ဘယ်လ်ဂျီယံရွှေရောင်မျိုးဆက်မှာ နည်းပြ ဝီမော့စ်၊ ရောဘတ်တိုမာတီနက်ဇ်နှင့် တီဒက်စ်ကို တို့လက်ထက်တွင် ကြီးမားတဲ့ အောင်မြင်မှုမရဘဲ အဆုံးသတ်သွားခဲ့ပါတယ်။ လူကာကူ က ဘယ်လ်ဂျီယံအသင်းအတွက် ၂၀၁၀ ပြည့်နှစ်မှာ စတင်ပွဲထွက်ခဲ့ပြီး အသင်းအတွက် ၁၆ နှစ်တာ ကာလအတွင်း ပွဲပေါင်း ၁၂၁ ပွဲကစားကာ ၈၆ ဂိုးအထိ သွင်းယူထားနိုင်ခဲ့ပါတယ်။ လူကာကူ က ဘယ်လ်ဂျီယံ လက်ရွေးစင်အသင်းမှာ သွင်းဂိုးအများဆုံးအဖြစ် ရပ်တည်နေသလို ပွဲအများဆုံးကစားသူစာရင်းတွင်လည်း အဆင့် (၅) နေရာ၌ ရပ်တည်နေပါတယ်။ ယူရို ၂၀၂၄ ပြိုင်ပွဲ ရှုံးထွက် ၁၆ သင်းအဆင့်မှာ ပြင်သစ်အသင်းကို ရှုံးနိမ့်ပြီးနောက် လက်ရွေးစင်ကစားသမားဘဝမှ အနားယူလိုစိတ်ဖြစ်ပေါ်ခဲ့ကြောင်း လူကာကူ က ဝန်ခံပြောကြားခဲ့ခြင်းဖြစ်ပါတယ်။ (NVS 008)
