ပြီးခဲ့တဲ့ စနေနှင့် တနင်္ဂနွေမှာ UEFA Nations League ကွာတားဖိုင်နယ်ရဲ့ဒုတိယကျော့ပွဲစဉ်များ ယှဉ်ပြိုင် ခဲ့ပြီးနောက် ဆီးမီးဖိုင်နယ်ပွဲစဉ်များကို ဇွန်လ ၄ ရက်နှင့် ၅ ရက်တို့မှာ ယှဉ်ပြိုင်ကစားမှာ ဖြစ်တယ်လို့ သိရပါတယ်။ UEFA Nations League ကွာတားဖိုင်နယ်အဆင့်မှာ နှစ်ကျော့ပေါင်းရလဒ်အဖြစ် ပြင်သစ်အသင်းက ခရိုအေးရှားကို ၂ ဂိုး ဂိုးမရှိနဲ့ အနိုင်ရရှိခဲ့သလို ပေါ်တူဂီအသင်းက ဒိန်းမတ်အသင်းကို နှစ်ကျော့ပေါင်းရလဒ် ၅ ဂိုး ၂ ဂိုး နဲ့ အနိုင်ရရှိပါတယ်။ ဒါ့အပြင် ဂျာမနီအသင်း က အီတလီအသင်းကို နှစ်ကျော့ပေါင်း ၅ ဂိုး ၄ ဂိုးနဲ့ အနိုင်ရရှိခဲ့သလို စပိန်အသင်းက နယ်သာလန်အသင်းကို ပင်နယ်တီအဆုံးအဖြတ်နဲ့ အနိုင်ရရှိခဲ့တာ ဖြစ်ပါတယ်။ ဒါကြောင့် UEFA Nations League ဆီမီးဖိုင်နယ်ပွဲစဉ်များအဖြစ် ဇွန်လ ၄ ရက်တွင် ဂျာမနီနှင့် ပေါ်တူဂီ၊ ဇွန်လ ၅ ရက်တွင် လက်ရှိချန်ပီယံ စပိန်နှင့် ပြင်သစ် အသင်းတို့ ယှဉ်ပြိုင်ကစားမှာ ဖြစ်ပါတယ်။ ဗိုလ်လုပွဲနှင့် တတိယ နေရာလုပွဲကို ဇွန်လ ၈ ရက်မှာ ယှဉ်ပြိုင်ကစားမှာဖြစ်ပြီး နောက်ဆုံးပွဲစဉ်လေးပွဲကို ဂျာမနီအသင်းက အိမ်ရှင်အဖြစ် ကျင်းပခွင့်ရထားပြီး မြူးနစ်နှင့် စတုဂတ်မြို့နှစ်မြို့တွင် ယှဉ်ပြိုင်ကစားစေမှာ ဖြစ်တယ်လို့ သိရပါတယ်။ (NVS 008)