မတ် ၂၁ ရက်က နေပြည်တော်မှာ ကျင်းပသော ၂၀၂၅ အလွန် ဗဟုဝင်ရိုးကမ္ဘာတွင် မြန်မာနိုင်ငံကြုံတွေ့ လာရမယ့် စိန်ခေါ်မှုများနှင့်အခွင့်အလမ်းများ သုံးသပ်ဆွေးနွေးပွဲသို့ တက်ရောက်ခဲ့တဲ့ နီပေါဝန်ကြီးချုပ်ဟောင်း Mr. Madhav Kumar Nepal နှင့် အဖွဲ့က ပုဂံရှေးဟောင်းယဉ်ကျေးမှုနယ်မြေရှိ ထီးလိုမင်းလိုဘုရားသို့ သွားရောက် ဖူးမြော်ခဲ့ကြပါတယ်။ အခုလို သွားရောက်ဖူးမြော်ကြည်ညိုစဉ် ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ)မှ တာဝန်ရှိသူတစ်ဦးက ဘုရားကြီးသမိုင်းကြောင်းနှင့် စပ်လျဉ်း၍ ရှင်းလင်းပြောကြားပြီး ဘဏ္ဍာတော်ထိန်းဂေါပက အဖွဲ့က ဘုရားကြီးပုံတော်ကို လက်ဆောင်အဖြစ် ပေးအပ်ခဲ့ပါတယ်။ အဲဒီနောက် ယွန်းပညာကောလိပ်(ပုဂံ)သို့ ရောက်ရှိရာ ယွန်းပညာကောလိပ်(ပုဂံ) ကျောင်းအုပ်ဆရာမကြီးက ကောလိပ်နှင့်စပ်လျဉ်း၍ ရှင်းလင်းပြောကြားခဲ့ပါ တယ်။ ဆက်လက်၍ ယွန်းပညာကောလိပ် ကျောင်းသား/ကျောင်းသူများရဲ့ ယွန်းထည်ပြုလုပ်ပုံအဆင့်ဆင့်ကို လည်းကောင်း၊ ယွန်းလက်မှုပစ္စည်းအရောင်းဆိုင်များကို လည်းကောင်း၊ ဦးဘငြိမ်းယွန်းပစ္စည်း အရောင်းဆိုင်ကို လည်းကောင်း သွားရောက်ကြည့်ရှုလေ့လာခဲ့ကြတယ်လို့ သိရပါတယ်။(NVS 004)