“အမေရိကန်နိုင်ငံက ပြည်နှင်တဲ့ မြန်မာနှစ်ဦးအား မြန်မာနိုင်ငံက ပြန်လည်လက်ခံမည်”
24 Mar
အမေရိကန်နိုင်ငံက ပြည်နှင်တဲ့ မြန်မာနိုင်ငံသားနှစ်ဦးကို ပြန်လည်လက်ခံသွားမှာဖြစ်ကြောင်း မြန်မာနိုင်ငံ ခြားရေးဝန်ကြီးဌာနက မတ်လ ၂၁ ရက်က အသိပေးထုတ်ပြန်ထားပါတယ်။ မြန်မာနိုင်ငံခြားရေးဝန်ကြီးဌာနရဲ့ထုတ်ပြန်ချက်အရ ပြည်နှင်ခံရသူ မြန်မာနှစ်ဦးက မတ်လ ၁၉ ရက်နှင့် မတ်လ ၂၈ ရက်မှာ မြန်မာနိုင်ငံသို့ပြန်လည်ရောက်ရှိမှာ ဖြစ်ပါတယ်။ ကမ္ဘာ့နိုင်ငံများအနေနဲ့ သက်ဆိုင်ရာနိုင်ငံရဲ့ အကျိုးစီးပွား ကိုထိပါးသူ ဒါမှမဟုတ် ရာဇဝတ်မှုများ ကျူးလွန်ထားသူ၊ တရားမဝင်ရွှေ့ပြောင်းရောက်ရှိသူ၊ နိုင်ငံခြားသားများကို ဥပဒေကြောင်းအရ ပြည်နှင်မှုများကို ပြုလုပ်လေ့ရှိကြောင်း ထုတ်ပြန်ထားပါတယ်။ ထိုနည်းတူ အမေရိကန်အစိုးရသစ်၏ ဦးစားပေး မူဝါဒများအရ လူဝင်မှုကြီးကြပ်ရေး စည်းမျဉ်းစည်းကမ်းများ နှင့် ငြိစွန်းသူများ၊ ပြစ်မှုကျူးလွန်ထားသည့် နိုင်ငံခြားသားများကို ပြည်နှင်ခြင်းများပြုလုပ်နေကြောင်းလည်း ထုတ်ပြန် ချက်အရ သိရပါတယ်။ ဒါကြောင့် နိုင်ငံသားများအနေဖြင့် ပြည်ပသို့ တရားဝင်လမ်းကြောင်းမှသာ ထွက်ခွာကြရန်နှင့် ရောက်ရှိရာနိုင်ငံတိုင်းတွင် သက်ဆိုင်ရာနိုင်ငံ၏ဥပဒေများကို လိုက်နာကြရန် လိုအပ်ကြောင်း၊ အမိနိုင်ငံအတွင်း၌ ဥပဒေဘောင်အတွင်း နေထိုင်ခြင်းသည်သာ အကောင်းဆုံးဖြစ်ပါကြောင်း ယခုပြည်နှင်ခံရမှုက ပြသလျက် ရှိကြောင်း နိုင်ငံခြားရေးဝန်ကြီး ဌာနက ထုတ်ပြန်ထားသည်။ (NVS 004)
