“Red Lacewing” လိပ်ပြာပုံ ကျပ် ၂၀၀ တန်စာပို့တံဆိပ်ခေါင်းအသစ် တစ်မျိုးကို မတ်လ ၁၉ ရက်မှစတင်၍ နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီး၊ တိုင်းဒေသကြီးနှင့် ပြည်နယ်များရှိ စာတိုက်ကြီးများတွင် တပြိုင်နက်တည်း ရောင်းချပေးနေကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့ စာတိုက်လုပ်ငန်းထံမှ သိရပါတယ်။ ထိုသို့ရောင်းချပေးရာမှာ အထူးအစီအစဉ်တစ်ရပ်အနေနဲ့ နေပြည်တော်ဗဟိုစာတိုက်ကြီး၊ ရန်ကုန်စာတိုက် ကြီးနှင့်မန္တလေးစာတိုက်ကြီးတို့မှာ မတ်လ ၁၉ ရက်မှာ စာပို့တံဆိပ်ခေါင်းများနှင့် ပထမနေ့စာအိတ် (First Day Cover) များပေါ်မှာ နေ့စွဲအမှတ်အသား တံဆိပ်ရိုက်နှိပ်ပေးခဲ့ကြောင်း သိရပါတယ်။ လက်ရှိတွင် အဆိုပါလိပ်ပြာပုံ ကျပ် ၂၀၀ တန်တံဆိပ်ခေါင်းများကို တိုင်းဒေသကြီးနှင့် ပြည်နယ်များရှိ စာတိုက် များတွင် ဝယ်ယူနိုင်ရန် ဖြန့်ဝေထားရှိပြီးဖြစ်ကြောင်း သိရပါတယ်။ အဆိုပါ တံဆိပ်ခေါင်းသည် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန က မြန်မာနိုင်ငံ၌ တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင်သဘောထား မှတ်ချက်ပြုထားတဲ့ တံဆိပ်ခေါင်း တစ်ခု ဖြစ်ပါတယ်။ (NVS 004)