၁၃၈၆ ခုနှစ် ရန်ကုန်မြို့တော်မဟာသင်္ကြန်မဏ္ဍပ်၌ တိုင်းရင်းသားရိုးရာအကနှင့် ယိမ်းအကပြိုင်ပွဲများ စည်ကား သိုက်မြိုက်စွာကျင်းပမည်
23 Mar
ယူနက်စကို၏ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှုအမွေအနှစ်စာရင်းဝင် မြန်မာ့ရိုးရာနှစ်သစ်ကူး အတာသင်္ကြန်ပွဲတော်ကို ဂုဏ်ပြုသောအားဖြင့် မြန်မာသက္ကရာဇ် ၁၃၈၆ ခုနှစ် ရန်ကုန်မြို့တော်မဟာသင်္ကြန်မဏ္ဍပ်၌ တိုင်းရင်းသားရိုးရာအကနှင့် ယိမ်းအကပြိုင်ပွဲများဖြင့် စည်ကားသိုက်မြိုက်စွာကျင်းပသွားမည်ဖြစ်ကြောင်း သိရပါတယ်။ ယိမ်းပြိုင်ပွဲများတွင် ၁၂ ဦးယိမ်း (မူကြိုကျောင်းများ)၊ ၁၂ ဦးယိမ်း(ကျောင်းများ)၊ ၁၂ ဦးယိမ်း(ရုံး/အခြားဌာနများ)၊ ၁၆ ဦးယိမ်း(ကျောင်းများ)၊ ၁၆ ဦးယိမ်း(ရုံး/အခြားဌာနများ)၊ ၂၀ ဦးယိမ်း(အလွတ်တန်း)၊ ၁၂ ဦးယိမ်း(ကျား)(အလွတ်တန်း) နှင့် တိုင်းရင်းသားရိုးရာယဉ်ကျေးမှုအကများဖြင့် ကျင်းပသွားမှာဖြစ်ပါတယ်။ ပြိုင်ပွဲဝင်အသင်းများအနေနဲ့ မတ်လ ၃၁ ရက် နောက်ဆုံးထား၍ ဗိုလ်တထောင်မြို့နယ် (၄၆) လမ်း၊ (၁၂) ထပ်ခွဲရုံး (၁၀)လွှာရှိ ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန(ရေစီးရေလာစီမံခန့်ခွဲမှု)တွင် လာရောက် စာရင်းပေးသွင်းနိုင်ပြီး အသေးစိတ်သိရှိလိုပါက အကဲဖြတ်လုပ်ငန်းကော်မတီ ဖုန်း-၀၉-၅၁၀၃၂၈၇၊ ၀၉-၅၀၂၇၂၆၀၊ ၀၉-၅၀၂၇၉၉၀၊ ၀၉-၄၅၂၈၁၃၆၇၂၊ ၀၉-၄၂၀၁၅၂၃၃၉ သို့ ဆက်သွယ်စုံစမ်းနိုင်ကြောင်း သိရပါတယ်။ (NVS 004)
