အသက် ၇၆ နှစ်အရွယ် ကမ္ဘာ့ဟဲဗီးဝိတ်ချန်ပီယံဟောင်းဖြစ်သူ ဂျော့ချ်ဖိုမင် ဟာ မတ်လ ၂၁ ရက် ညပိုင်းမှာ ကွယ်လွန်သွားခဲ့ပြီဖြစ်ကြောင်း ၎င်း၏မိသားစုက အတည်ပြုကြေညာခဲ့ပါတယ်။ ဂျော့ချ်ဖိုမင် ဟာ ကမ္ဘာ့ဟဲဗီးဝိတ်ချန်ပီယံ နှစ်ကြိမ်ဖြစ်ခဲ့ပြီး ၁၉၆၈ မက္ကဆီကိုအိုလံပစ်တွင်လည်း လက်ဝှေ့ရွှေတံဆိပ်ဆုကို ဆွတ်ခူးနိုင်ခဲ့တာဖြစ်ပါတယ်။ ဂျော့ချ်ဖိုမင် အနေနဲ့ ကမ္ဘာ့ဟဲဗီးဝိတ်လက်ဝှေ့လောကတွင် အထင်ကရအဖြစ်ဆုံးပွဲများထဲက နှစ်ပွဲဖြစ်တဲ့ ၁၉၇၂ ခုနှစ်က ဂျိုးဖရေဇီယာနှင့် 'The Sunshine Showdown' လို့အမည်ရတဲ့ပွဲနဲ့ ၁၉၇၄ ခုနှစ်က မိုဟာမက်အလီနှင့် 'The Rumble in the Jungle' လို့ အမည်ရတဲ့ ပွဲများကို ယှဉ်ပြိုင်ခဲ့တာဖြစ်ပါတယ်။ ပထမဆုံးအကြိမ် ကမ္ဘာ့ဟဲဗီးဝိတ်ချန်ပီယံဖြစ်ပြီး ဆယ်စုနှစ်နှစ်ခုအကြာ ၁၉၉၄ ခုနှစ်တွင် မိုက်ကယ်မူရာ ကို အလဲထိုးခဲ့ကာ ဒုတိယအကြိမ်အဖြစ် ကမ္ဘာ့ဟဲဗီးဝိတ်ချန်ပီယံ ဖြစ်ခဲ့ပြီးနောက် အသက် ၄၅ နှစ်ဖြင့် ကမ္ဘာ့အသက် အကြီးဆုံး ဟဲဗီးဝိတ်ချန်ပီယံ ဖြစ်ခဲ့ပါတယ်။(NVS 008)