ပြင်သစ်လက်ရွေးစင်အသင်းခေါင်းဆောင် ဘာပေ က မိမိအနေနဲ့ အမှားများလုပ်ခဲ့မိကြောင်း ဝန်ခံခဲ့ပြီး ရှေ့ဆက်သွားရန်နှင့် တူညီသည့်အမှားများ ထပ်မလုပ်မိရန် လိုအပ်ကြောင်း ထုတ်ဖော်ပြောကြားခဲ့ပါတယ်။ ပြင်သစ်အသင်းခေါင်းဆောင် ဘာပေ က ပြီးခဲ့တဲ့နှစ် စက်တင်ဘာလအတွင်း အီတလီအသင်းကို အိမ်ကွင်းမှာ ရှုံးနိမ့်သည့် Nations League ပွဲစဉ်အပြီးကတည်းက ပြင်သစ်လက်ရွေးစင်အသင်းနှင့် ဝေးကွာနေခြင်းဖြစ်ပြီး ယခုမှ ပြန်လည်ရွေးချယ်ခံထားရခြင်းဖြစ်ပါတယ်။ ဘာပေ က မတ်လ ၂၀ ရက်မှာ ကစားခဲ့တဲ့ UEFA Nations League ကွာတားဖိုင်နယ်ပထမအကျော့ပွဲစဉ် ခရိုးအေးရှားမှာ ပွဲထွက်ပါဝင်ကစားခဲ့ပါတယ်။ အဆိုပါပွဲစဉ်မှာ ဘာပေ အနေနဲ့ ခြေစွမ်းပြနိုင်ခြင်းမရှိဘဲ ပြင်သစ် အသင်းမှာ ရှုံးနိမ့်ခဲ့ခြင်းကြောင့် ဝေဖန်မှုများနှင့် ရင်ဆိုင်ခဲ့ရကြောင်း သိရပါတယ်။ (NVS 008)