“မြောက်ကိုရီးယားနိုင်ငံက လေယာဉ်ပစ်ဒုံးကျည်စမ်းသပ်မှု ပြုလုပ်”
22 Mar
မြောက်ကိုရီးယားစစ်ဘက်သည် မတ်လ ၂ဝ ရက်က လေယာဉ်ပစ် ဒုံးကျည်စနစ် စမ်းသပ်ပစ်ခတ်မှု ပြုလုပ် ခဲ့ကြောင်း မြောက်ကိုရီးယားအစိုးရပိုင် ကေစီအင်န်အေသတင်း ဌာနက သတင်းထုတ်ပြန်ထားကြောင်း သိရသည်။ အမေရိကန်နိုင်ငံနှင့်တောင်ကိုရီးယားနိုင်ငံတို့၏ ဖရီးဒမ်းရှီးလ်အမည်ရှိ ၁၁ ရက်ကြာ နှစ်နိုင်ငံပူးတွဲစစ်ရေး လေ့ကျင့် မှု ပြုလုပ်ခဲ့သည့်နေ့မှာပင် မြောက်ကိုရီးယားနိုင်ငံက လေယာဉ်ပစ်ဒုံးကျည်စနစ် စမ်းသပ်ပစ်လွှတ်ခဲ့ခြင်း ဖြစ်သည်။ လေယာဉ်ပစ်ဒုံးကျည်စနစ်စမ်းသပ်ပစ်လွှတ်မှုကို မြောက်ကိုရီးယားသမ္မတ ကင်ဂျုံအန် ကိုယ်တိုင် ဦးဆောင်ခဲ့ ကြောင်း ကေစီအင်န်အေသတင်းဌာနက သတင်းထုတ်ပြန်ထားသော်လည်း စမ်းသပ်မှုပြုလုပ်ခဲ့သည့် နေရာကို ထုတ်ဖော်ပြောကြားခြင်းမရှိခဲ့ကြောင်း သိရသည်။ စမ်းသပ်မှုရလဒ်များအရအဆိုပါ လေယာဉ်ပစ်ဒုံးကျည်စနစ်သည် အားကိုအားထားပြုနိုင်ပြီး တိုက်ပွဲကာလ တုံ့ပြန်နိုင်စွမ်းအားသာချက်ရှိကြောင်း ကေစီအင်န်အေသတင်းဌာန၏အဆိုအရ သိရသည်။ မြောက်ကိုရီးယားနိုင်ငံ သည် အဆိုပါလေယာဉ်ပစ်ဒုံးကျည်စနစ်ကို တည်ဆောက်ရာတွင် ရုရှားနိုင်ငံ၏နည်းပညာအကူအညီရယူခဲ့ဖွယ် ရှိ သည် ဟု ကျွမ်းကျင်သူများက သုံးသပ်ထားကြောင်း RT သတင်းဌာန၏ဖော်ပြချက်အရ သိရသည်။
