“နယ်သာလန်နိုင်ငံက လက်နက်ကိုင်တပ်ဖွဲ့ဝင်အင်အား နှစ်ဆမြှင့်တင်ရန်ဆန္ဒရှိနေ”
22 Mar
နယ်သာလန်နိုင်ငံအနေဖြင့် ၎င်း၏လက်နက်ကိုင်တပ်ဖွဲ့ဝင် အင်အားကို နှစ်ဆမြှင့်တင်ရန်ဆန္ဒ ရှိနေ ကြောင်း နယ်သာလန်ပြည်တွင်းမီဒီယာများက မတ်လ ၂၁ ရက်တွင် သတင်းထုတ်ပြန်ထားသည်။ မီဒီယာများ၏ အဆိုအရ နယ်သာလန်အစိုးရသည် လက်နက်ကိုင်တပ်ဖွဲ့ဝင်အင်အားကို လက်ရှိဦးရေ ၇၄,၀၀၀ မှ ဦးရေ ၂၀၀,၀၀၀ ထိ မြှင့်တင်ရန် ဆန္ဒရှိနေကြောင်း သိရသည်။ လက်ရှိအချိန်တွင် နယ်သာလန်လက်နက်ကိုင်တပ်ဖွဲ့၌ တပ်ဖွဲ့ဝင် ၄၂,၃၀၅ ဦး၊ ရုံးအမှုထမ်း ၂၄,၂၁၂ ဦး၊ အရန်တပ်ဖွဲ့ဝင် ၇,၄၈၃ ဦးတို့ဖြင့် ဖွဲ့စည်းထားကြောင်း နယ်သာလန် အစိုးရတာဝန်ရှိသူများက ပြောကြားထားသည်။ လက်နက်ကိုင်တပ်ဖွဲ့ဝင်အင်အားမြှင့်တင်ရေးအစီအစဉ်ကို နယ်သာလန်အစိုးရက မည်သည့်အချိန်တွင် စတင်အကောင်အထည်ဖော်မည်ကို နယ်သာလန်မီဒီယာများက ထုတ်ဖော်ရေးသားထားခြင်း မရှိကြောင်း သိရသည်။ လက်နက်ကိုင်တပ်ဖွဲ့ဝင်အင်အားနှစ်ဆတိုးမည့် အစီအစဉ်သတင်းနှင့်ပတ်သက်၍ နယ်သာလန် ကာကွယ်ရေးဝန်ကြီးဌာနက တစ်စုံတစ်ရာတုံ့ပြန်မှုမရှိသေးကြောင်း သိရသည်။ နယ်သာလန်နိုင်ငံသည် မြောက် အတ္တလန်တစ်စာချုပ်အဖွဲ့(နေတိုး)၌အဖွဲ့ဝင်အဖြစ် ပါဝင်သည့်နိုင်ငံဖြစ်ကြောင်း ဆင်ဟွာသတင်းဌာန၏ ဖော်ပြ ချက်အရ သိရသည်။
