“နည်းပြပလာတီနစ်နှင့် လေ့ကျင့်မှု အဆုံးသတ်ခဲ့တဲ့ ရာဒူကာနူ”

21 Mar

ဗြိတိန်တင်းနစ်မယ် ရာဒူကာနူ ဟာ နည်းပြဖြစ်သူ ပလာတီနစ် နဲ့ စမ်းသပ်လေ့ကျင့်မှုတွေကို ၂ ပတ်အကြာ မှာပဲ အဆုံးသတ်လိုက်ပါတယ်။ မိုင်ယာမီအိုးပင်း ပထမအဆင့်မှာ ပြိုင်ဘက် ဂျပန်တင်းနစ်မယ် ဆာယာကာကို အနိုင် ရပြီးနောက်မှပဲ ဒီသတင်းကို ရာဒူကာနူက အတည်ပြုသွားခဲ့တာ ဖြစ်ပါတယ်။ သတင်းတွေအရ ပလာတီနစ် ဟာ အခုလအစောပိုင်းက ယှဉ်ပြိုင်ခဲ့တဲ့ အင်ဒီးယန်းဝဲလ်ပြိုင်ပွဲ ပထမအဆင့်ပွဲ မတိုင်ခင်မှာ ကာလီဖိုးနီးယားကို ပြန်သွားခဲ့ပေမယ့် အခုမိုင်ယာမီအိုးပင်းပြိုင်ပွဲမတိုင်ခင် ပြန်ရောက်လာခဲ့ပြီး ရာဒူကာနူ နဲ့အတူ လေ့ကျင့်မှုတွေ ပြုလုပ်ခဲ့တယ်လို့ သိရပါတယ်။ နည်းပြ ပလာတီနစ်နဲ့ ဆက်ဆံရေးအခြေအနေ တွေက လမ်းကြောင်းမှန်ပေါ်ကို မရောက်နိုင်ဘူးလို ခံစားမိတဲ့အတွက် အခုလိုမျိုး လက်တွဲဖြုတ်ဖို ဆုံးဖြတ်လိုက်တာ ဖြစ်တယ်လို ရာဒူကာနူ ရဲ့ ပြောရေးဆိုခွင့်ရှိသူက ပြောကြားသွားခဲ့ပါတယ်။ အသက် ၄၉ နှစ်အရွယ် ပလာတီနစ် ဟာ နာမည်ကြီးတင်းနစ်မယ် တွေဖြစ်ကြတဲ့ ကာဆက်ကီနာ နဲ့ ဆီဘူကိုဗာ တို့ကို နည်းပြခဲ့ဖူးသူဖြစ်ပြီး အရည်အသွေးမြင့်တဲ့ နည်းပြလို့သတ်မှတ်ခံထားရပါတယ်။ ရာဒူကာနူ ဟာ မိုင်ယာမီအိုးပင်းဒုတိယအဆင့်မှာ အမေရိကန်တင်းနစ်မယ် အမ်မာ နာဗာရိုး နဲ့ ယှဉ်ပြိုင်ရမှာ ဖြစ်ပါတယ်။ (NVS 008)

21 Mar

ADVERTISE HERE .