စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်အတွင်း ဆောက်လုပ်နေသည့် ချင်းတွင်းမြစ်ကူး တံတား (ထမံသီ) တည်ဆောက်ရေး လုပ်ငန်းများသည် ၆၆ ရာခိုင်နှုန်း ပြီးစီးနေပြီဖြစ်ကြောင်း သိရပါတယ်။ ချင်းတွင်းမြစ်ကူးတံတား(ထမံသီ)ကို ဟုမ္မလင်းခရိုင်၊ ဟုမ္မလင်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသ အတွင်းရှိ လေရှီးမြို့-ပန်ဆပ်-ဆွမ္မရာမြို့လမ်းပေါ်မှာ ချင်းတွင်းမြစ်အားဖြတ်ကာ တည်ဆောက်နေခြင်း ဖြစ်ပါတယ်။ အဆိုပါမြစ်ကူးတံတား(ထမံသီ) တည်ဆောက်ပြီးစီးပါက ဟုမ္မလင်းမြို့နယ်နှင့် လေရှီးမြို့နယ်တို့မှ ဒေသခံပြည်သူများ သွားလာရေးလွယ်ကူမြန်ဆန်လာမှာ ဖြစ်ပါတယ်။ ချင်းတွင်းမြစ်ကူးတံတား(ထမံသီ)က သံကူကွန်ကရစ်တံတား အမျိုးအစားဖြစ်ပြီး တံတားအရှည် ၈၀၁ မီတာ၊အကျယ် ၉.၄ မီတာ၊ တံတားအခန်းပေါင်း ၁၅ ခန်း၊ ရေလမ်းကင်းလွတ် အမြင့် ၄၀ ပေ(HFL) နဲ့တည်ဆောက်နေဆဲ ဖြစ်ပါတယ်။ (NVS 004)