“လူငယ်ကွင်းလယ်ကစားသမား မိန်နူးကို ရောင်းထုတ်မည့် သတင်းများထွက်ပေါ်”
20 Mar
မန်ယူအသင်းက လာမယ့်နွေရာသီမှာ အသင်းလူငယ်ကစားသမား မိန်နူး ကို ရောင်းထုတ်မယ်လို့ သတင်းထွက်ပေါ်နေပါတယ်။ မန်ယူအသင်းက ဘဏ္ဍာရေးပြဿာနာနှင့် ပရီးမီးယားလိဂ်၏ PSR စည်းမျဉ်းတို့ကြောင့် လာမယ့်နွေရာသီမှာ ကစားသမားသစ်များ ခေါ်ယူမည်ဆိုပါက အသင်းရှိကစားသမားများကို အရင်ရောင်းထုတ်ရမှာဖြစ်ကြောင်း သိရပါတယ်။ မန်ယူအသင်းက လာမယ့်နွေရာသီမှာ အငှားချထားတဲ့ ရပ်ရှ်ဖို့ဒ်၊ အန်တိုနီ၊ ဆန်ချို တို့အပြင် ကက်စီမီရို ကိုပါ ရောင်းထုတ်ရန် စီစဉ်နေပြီး အသင်းနှင့်စာချုပ်သက်တမ်းကုန်ဆုံးကြမယ့် အဲရစ်ဆင်နှင့် လင်ဒီလော့ဖ် တို့ကို ထွက်ခွာခွင့်ပေးဖွယ်ရှိတယ်လို့ သိရပါတယ်။ အသက် ၁၉ နှစ်အရွယ်ရှိ အင်္ဂလန်လူငယ်ကစားသမား မိန်နူးသည် မန်ယူ အသင်းနှင့် ၂၀၂၇ ခုနှစ်တွင် စာချုပ် သက်တမ်းကုန်ဆုံးမည်ဖြစ်ပြီး စာချုပ်သစ်ချုပ်ဆိုရန်အတွက် တစ်ပတ်လစာ ပေါင် ၁၅၀,၀၀၀ တောင်းဆိုထားတယ်လို့ သိရပါတယ်။ (NVS 008)
20 Mar
