မတ်လ ၁၉ ရက်မှာ ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA) မှတဆင့် EPS စနစ်နဲ့ လုပ်သားသစ် ၁၂၄ ဦးစေလွှတ်ခဲ့ကြောင်း မြန်မာသံရုံး၊ ဆိုးလ်မြို့မှ ထုတ်ပြန်ထားပါတယ်။ ၎င်းတို့မှာ ကုန်ထုတ်လုပ်သား ၅၈ ဦး၊ သစ်တောလုပ်သား ၂၅ ဦး၊ ဆောက်လုပ်ရေးလုပ်သား ၁၉ ဦး ဝန်ဆောင်မှု လုပ်သား ၇ ဦး (အမျိုးသမီး ၁ ဦး) နှင့် စိုက်ပျိုး/မွေးမြူရေးလုပ်သား ၁၅ ဦး စုစုပေါင်း လုပ်သားသစ် ၁၂၄ ဦးသည် ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ မြန်မာအမျိုးသားလေကြောင်းလိုင်း UB 8301 (Charter Flight) ခရီးစဥ်ဖြင့် ရောက်ရှိခဲ့ရာ မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာ သင့်တဲ့အချက်များကို မှာကြားခဲ့ပြီးလိုအပ်သည်များကိုကူညီပံ့ပိုးပေးခဲ့ကြောင်းသိရပါတယ်။ ဒါ့အပြင် တောင်ကိုရီးယားမှ ယခုနှစ်အတွက်နိုင်ငံခြားသား EPS လုပ်သား ၂၀,၀၀၀ ကျော်ခေါ်ယူသွားမှာ ဖြစ်ပါတယ်။ မြန်မာနိုင်ငံမှ တောင်ကိုရီးယား သို့ နှစ်စဥ်လုပ်သား ၁၀,၀၀၀ နီးပါးစေလွှတ်နေပြီးလက်ရှိတွင်မြန်မာလုပ်သား ၇၀,၀၀၀ ကျော်ရောက်ရှိ လုပ်ကိုင်နေပါတယ်။ (NVS 004)