လီဗာပူးအသင်းက ခံစစ်ပိုင်းမှ အာနိုး ကို လာမည့်ဇွန်လ ၃၀ ရက်တွင် အလွတ်ပြောင်းရွှေ့ကြေးဖြင့် လက်လွှတ် ရမှာဖြစ်လို့ ၎င်းနေရာတွင် အစားထိုးရန်အတွက် လေဗာကူဆင်အသင်း ခံစစ်ကစားသမား ဖရင်ပေါင် ကို စာချုပ် ဖျက်သိမ်းကြေးဖြင့် ခေါ်ယူသွားမည်ဖြစ်ကြောင်း နည်းပြ စလော့ က ပြောကြားခဲ့တာဖြစ်ပါတယ်။ ခံစစ်ကစားသမား ဖရင်ပေါင် အနေနဲ့ လေဗာကူဆင်အသင်းနဲ့ လာမည့် ၂၀၂၈ ခုနှစ်ထိ စာချုပ်သက်တမ်း ကျန်ရှိနေသော်လည်း စာချုပ်ဖျက်သိမ်းကြေးမှာ ယူရို သန်း ၄၀ သာရှိလို့ လီဗာပူးအသင်းနည်းပြ အာနယ်စလော့ က ဖရင်ပေါင် ကို လာမည့်နွေရာသီတွင်ခေါ်ယူမည်ဖြစ်ကြောင်း ပြောကြားခဲ့ပါတယ်။ အသက် ၂၄ နှစ်အရွယ် ဖရင့်ပေါင် ကို ဘာစီလိုနာအသင်းနဲ့ ရီးရဲလ်မက်ဒရစ် အသင်းတို့က ကမ်းလှမ်းမှု ပြုလုပ်နေတာကြောင့် နည်းပြ စလော့ က လက်ဦးမှုရယူကာ ဆွေးနွေးမှုများ တိုးမြှင့်လုပ်ဆောင်နေသလို ကစား သမားကလည်း လီဗာပူးအသင်းသို့ပြောင်းရွှေ့ရန် ဆန္ဒရှိနေကြောင်း သိရပါတယ်။ ပြီးခဲ့သည့် ဘောလုံးရာသီမှာ လေဗာကူဆင်အသင်းကို ဆုဖလားနှစ်လုံးရရှိအောင် ဖရင်ပေါင် က အဓိကနေရာမှ ပါဝင်စွမ်းဆောင်နိုင်ခဲ့ပြီးနောက် ယခုနှစ်တွင်လည်း ပြိုင်ပွဲစုံပွဲစဉ် ၄၀ တွင် သွင်းဂိုးလေးဂိုးနှင့် ဂိုးဖန်တီးမှုကိုးကြိမ်အထိ ပြုလုပ်နိုင်ခဲ့လို့ ဥရောပထိပ်သီးကလပ်များက ၎င်းကစားသမားကိုခေါ်ယူရန် စိတ်ဝင်စားလျက်ရှိနေပါတယ်။ (NVS 008)