မန်စီးတီးအသင်း တိုက်စစ်မှူး ဟာလန်း အနေနဲ့ ဘရိုက်တန်အသင်းကို နှစ်ဂိုးစီ သရေရလဒ်ထွက်ပေါ်ခဲ့သည့် ပွဲစဉ်တွင် အသင်းအတွက် ပင်နယ်တီသွင်းဂိုးတစ်ဂိုး ရယူပေးခဲ့ပြီးနောက် ပရီးမီးယားလိဂ်သမိုင်းတွင် ပွဲစဉ်အရေအတွက် အနည်းဆုံးဖြင့် ဂိုးပါဝင်ပတ်သက်မှု ၁၀၀ ပြည့်မြောက်ခဲ့တဲ့ ပထမဆုံးကစားသမားအဖြစ် မှတ်တမ်းဝင်ခဲ့ကြောင်း သိရပါတယ်။ ဟာလန်း ဟာ ၂၀၂၂ ခုနှစ်မှာ ဒေါ့မွန်အသင်းမှ မန်စီးတီးအသင်းသို့ ပြောင်းရွှေ့လာခဲ့ပြီးနောက် သုံးရာသီအတွင်း ပရီးမီးယားလိဂ်ပွဲစဉ် ၉၄ ပွဲတွင် သွင်းဂိုး ၈၄ ဂိုးနှင့် ဖန်တီးမှု ၁၆ ကြိမ်ထိ ပြုလုပ်နိုင်ခဲ့တာကြောင့် သမိုင်းတစ်လျှောက်တွင် ဂိုးပါဝင်ပတ်သက်မှု အကြိမ် ၁၀၀ ကို အမြန်ဆုံးရရှိတဲ့ ပထမဆုံးကစားသမား ဖြစ်လာခဲ့ပါတယ်။ ယခင်က ပရီးမီးယားလိဂ်ပြိုင်ပွဲတွင် အလန်ရှီးယား က ပွဲစဉ် ၁၀၀ တွင် သွင်းဂိုး ၇၉ ဂိုးနှင့် ဂိုးဖန်တီးမှု ၂၁ ကြိမ်၊ ကန်တိုနာ က ၁၁၆ ပွဲတွင် သွင်းဂိုး ၅၈ ဂိုးနှင့် ဂိုးဖန်တီးမှု ၄၂ ကြိမ်၊ ဆာလာ က ၁၁၆ ပွဲတွင် ၇၃ ဂိုးနှင့် ဂိုးဖန်တီးမှု ၂၇ ကြိမ်၊ အဂူရို က ၁၁၈ ပွဲတွင် သွင်းဂိုး ၇၇ ဂိုးနှင့် ဂိုးဖန်တီးမှု ၂၃ ကြိမ်၊ ဟင်နရီ က ၁၂၁ ပွဲတွင် ၇၂ ဂိုးနှင့် ဂိုးဖန်တီးမှု ၂၉ ကြိမ်ထိ ပြုလုပ်နိုင်ခဲ့တာ ဖြစ်ပါတယ်။(NVS 008)