အချက်အလက်များအပေါ် အခြေခံတွက်ချက်သည့် Opta ရဲ့ စူပါကွန်ပျူတာက ယခုရာသီ လာလီဂါပြိုင်ပွဲမှာ ဘာစီလိုနာအသင်း ချန်ပီယံဖြစ်မယ်လို့ ခန့်မှန်းခဲ့ပါတယ်။ ဘာစီလိုနာအသင်းက လာလီဂါပွဲစဉ် (၂၈) အပြီးမှာ အမှတ်ပေးဇယားထိပ်ဆုံး၌ ဂိုးကွာခြားချက်အသာနဲ့ ရပ်တည်လျက်ရှိပါတယ်။ ဒုတိယနေရာမှ ရီးရဲလ်အသင်းနှင့် ရမှတ်တူညီနေပြီး ဂိုးကွာခြားချက်တွင် ၁၆ ဂိုး အသာရ နေခြင်းဖြစ်ပါတယ်။ ဒါ့အပြင် ဘာစီလိုနာအသင်းက ရီးရဲလ်အသင်းထက် တစ်ပွဲလျော့ကစားထားတဲ့အတွက် ချန်ပီယံဖြစ်ရန် အလားအလာအကောင်းဆုံးအဖြစ် သတ်မှတ်ခံရခြင်းဖြစ်ကြောင်း သိရပါတယ်။ စူပါကွန်ပျူတာက ဘာစီလိုနာ အသင်းရဲ့ လာလီဂါချန်ပီယံဖြစ်နိုင်ခြေ အလားအလာမှာ ၆၈ ဒသမ ၅ ရာခိုင်နှုန်းရှိတယ်လို့ ခန့်မှန်းထားပြီး ရီးရဲလ် အသင်းမှာ ၂၈ ဒသမ ၅ ရာခိုင်နှုန်းသာ ခန့်မှန်းထားပါတယ်။ (NVS 008)