ဂျာမနီနိုင်ငံတွင် ၂၀၂၄ ခုနှစ်အတွင်း ဖန်လုံအိမ်အာနိသင်ဓာတ်ငွေ့ ထုတ်လွှတ်မှုကျဆင်းခဲ့ကြောင်း သဘာဝ ပတ်ဝန်းကျင်အေဂျင်စီက ထုတ်ပြန်
16 Mar
ဂျာမနီနိုင်ငံသည် လေထုညစ်ညမ်းမှုလျှော့ချရေးစီမံချက်ဖြင့် ၂၀၂၄ ခုနှစ်အတွင်း ဖန်လုံအိမ် အာနိသင် ဓာတ်ငွေ့ထုတ်လွှတ်မှု လျော့ကျရေးကို အရှိန်မြှင့်တင်ဆောင်ရွက်ခဲ့ပြီး စစ်တမ်းကောက်ယူခဲ့ရာ ၁၉၉ဝ ပြည့်နှစ်က ထုတ်လွှတ်ခဲ့သောပမာဏထက် ၃ ဒသမ ၄ ရာခိုင်နှုန်း လျော့ကျခဲ့ကြောင်း ဂျာမနီဖက်ဒရယ်သဘာဝ ပတ်ဝန်းကျင် အေဂျင်စီက ထုတ်ပြန်ခဲ့ကြောင်း သတင်းများတွင် ဖော်ပြထားသည်။ ၂၀၂၄ ခုနှစ်အတွင်း ထုတ်လွှတ်ခဲ့သော ဖန်လုံအိမ်အာနိသင်ဓာတ်ငွေ့ပမာဏ လျော့ကျလာခဲ့ခြင်းကြောင့် ၂၀၃၀ ပြည့်နှစ်အရောက်တွင် ကျဆင်းရမည့်ပမာဏကို အောင်မြင်စွာလျှော့ချနိုင်မည်ဖြစ်ကြောင်း၊ စစ်တမ်းများအရ ၂၀၂၄ ခုနှစ်အတွင်း ကျဆင်းခဲ့သည့် ဖန်လုံအိမ်အာနိသင် ဓာတ်ငွေ့ထုတ်လွှတ်မှုပမာဏသည် တန်ချိန် ၆၄၉ သန်း သာရှိခဲ့ပြီး စက်မှုထွန်းကားသော ဂျာမနီနိုင်ငံအနေဖြင့် ဖန်လုံအိမ်အာနိသင်ဓာတ်ငွေ့ထုတ်လွှတ်မှု သိသိသာသာ ကျဆင်းလာခြင်းဖြစ်ကြောင်း ဂျာမနီဖက်ဒရယ်သဘာဝပတ်ဝန်းကျင် အေဂျင်စီကထုတ်ပြန်ခဲ့သည်။ “အခုပုံစံအတိုင်းဆိုရင် ၂၀၃၀ ပြည့်နှစ်အတွက် သတ်မှတ်ထားတဲ့ရည်မှန်းချက်ကို အောင်မြင်အောင် အကောင်အထည်ဖော်နိုင်တော့မှာ ဖြစ်ပါတယ်။ ၂၀၂၄ ခုနှစ်အတွင်း ဖန်လုံအိမ်အာနိသင် ဓာတ်ငွေ့ပမာဏဟာ ၁၉၉၀ ပြည့်နှစ်က ထုတ်လွှတ်ခဲ့တဲ့ ပမာဏထက် ၃ ဒသမ ၄ ရာခိုင်နှုန်းထိ လျော့ကျခဲ့ပါတယ်။ ဒီလိုသိသာတဲ့ပြောင်းလဲမှုဟာ ၂၀၃၀ ပြည့်နှစ်အတွက် သတ်မှတ်ထားတဲ့ရည်မှန်းချက်ကို အောင်မြင်အောင် အကောင်အထည်ဖော်နိုင်မယ်လို့ ယုံကြည်ပါတယ်”ဟု ဂျာမနီဖက်ဒရယ် သဘာဝပတ်ဝန်းကျင် အေဂျင်စီမှ ပြောရေးဆိုခွင့်ရှိသူ ဟာဘက်ခ် က ပြောကြားခဲ့သည်။
