မြန်မာသံအမတ်ကြီးဦးကျော်စိုးမင်းက ၂၀၂၅ ခုနှစ်အတွက် သာသနာတော်ဆိုင်ရာ ဘွဲ့တံဆိပ်တော်ဖြစ်တဲ့ “အဘိဓဇအဂ္ဂမဟာသဒ္ဓမ္မဇောတိကဘွဲ့နှင့် အဆောင်အယောင်များကို ကမ္ဘောဒီးယားနိုင်ငံမှ မဟာသံဃာ့ရာဇာနှင့် သာသနာပိုင်ဆရာတော်ကြီး ဆမ်ဒက်ပရယ်မဟာ သုမေဓာဓိပတိကိတ္တိဥဒ္ဒေသပဏ္ဍိတနွန်ငိတ်အား မတ်လ ၁၄ ရက်တွင် ဆက်ကပ်လှူဒါန်းခဲ့ကြောင်း သိရပါတယ်။ ဆက်ကပ်လှူဒါန်းပွဲအခမ်းအနား ကမ္ဘောဒီးယားနိုင်ငံ ဖနွမ်ပင်မြို့ရှိ Bomonvat Rajavaram Pagoda တွင် ကျင်းပပြုလုပ်ခဲ့ပြီး ကမ္ဘောဒီးယား ဝန်ကြီးချုပ် ဟွန်မာနိုင် က ဆရာတော်ကြီးအပါအဝင် သံဃာတော်များအား ခမာရိုးရာအမွှေးနံ့သာရေရေသွန်းလောင်းပူဇော်ပွဲခဲ့ပါတယ်။ အခမ်းအနားမှာ မြန်မာသံအမတ်ကြီး ဦးကျော်စိုးမင်း က ကမ္ဘောဒီးယားနိုင်ငံ၌ ဗုဒ္ဓမြတ်စွာဘုရား၏ ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာ တော်(၃)ရပ်ကို သန့်ရှင်းတည်တံ့တိုးတက်ပြန့်ပွားရေးအတွက် မနားမနေကြိုးပမ်းအားထုတ်ခဲ့ပြီး စွမ်းစွမ်းတမံ ဆောင်ရွက်မှုများကြောင့် ဆရာတော်ကြီးကို ဘွဲတံဆိပ်တော် ဆက်ကပ်ပူဇော်ရခြင်းဖြစ်ကြောင်း လျှောက်ထား ခဲ့ပါတယ်။ အဲ့ဒီနောက် မြန်မာသံအမတ်ကြီးက ဆရာတော်ကြီးကို မြန်မာအစိုးရမှဆက်ကပ်လှူဒါန်းတဲ့ သာသနာ တော်ဆိုင်ရာဘွဲ့တံဆိပ်တော်ဖြစ်သော “အဘိဓဇအဂ္ဂမဟာသဒ္ဓမ္မဇောတိက” ဘွဲ့နှင့် အဆောင်အယောင်များကို ဆက်ကပ်လှူဒါန်းခဲ့ကြောင်း သိရပါတယ်။ (NVA 004)