လာမည့် မတ်လ ၁၇ ရက်မှစတင်၍ ပညာရေးဝန်ကြီးဌာနရှိ၊ တက္ကသိုလ်များတွင် ကျောင်းဝင်ကြေးနှင့် ကျောင်းလခပေးသွင်းခြင်းများကို MMQR စနစ်နဲ့ချိတ်ဆက်ထားတဲ့ Online Payment၊ Mobile Wallet တို့ဖြင့် ပေးချေနိုင်မည်ဖြစ်ကြောင်း တက္ကသိုလ်ကျောင်းသားများ၏ ကျောင်းဝင်မှတ်ပုံတင်ခြင်းနှင့် ကျောင်းဝင်ကြေး၊ ကျောင်းလခများကို Online Payment၊ Mobile Wallet ဖြင့် ပေးသွင်းခြင်းတို့ ချိတ်ဆက်ဆောင်ရွက်နိုင်ရေး ဦးစီးကော်မတီအစည်းအဝေး (၁/၂၀၂၅) တွင် ပညာရေးဝန်ကြီးဌာန၊ ဒုတိယဝန်ကြီး ဒေါက်တာ ဇော်မြင့် က ပြောကြား ခဲ့ပါတယ်။ တက္ကသိုလ်ကျောင်းသားများအနေနဲ့ ကျောင်းဝင်ကြေးနဲ့ ကျောင်းလခများကို ငွေသားဖြင့်ပေးသွင်းခြင်းအစား ဒစ်ဂျစ်တယ်ငွေကြေး(Digital Currency) သုံးစွဲခြင်းအလေ့အကျင့်ကို ပြောင်းလဲကျင့်သုံးနိုင်ရန်နှင့် မြန်မာနိုင်ငံတော် ဗဟိုဘဏ်ရဲ့ MMQR စနစ်တွင်ချိတ်ဆက်ထားသော ဘဏ်အဖွဲ့အစည်းများနှင့် အွန်လိုင်းငွေပေးချေခြင်းကို မတ်လ ၁၇ ရက်မှစတင်၍ ပညာရေးဝန်ကြီးဌာနရှိ တက္ကသိုလ်များတွင် စတင်ကျင့်သုံးမည်ဖြစ်ကြောင်း ဆက်လက်ပြောကြားခဲ့ပါတယ်။ (NVS 004)