အပြည်ပြည်ဆိုင်ရာထေရဝါဒဗုဒ္ဓတက္ကသိုလ် ပါမောက္ခချုပ် ဒေါက်တာအရှင် နန္ဒမာလာဘိဝံသ ဆရာတော်ကြီး ဦးစီးတည်ထောင်ဖွင့်လှစ်ထားတဲ့ ပညာဘူမိတက္ကသိုလ်မှ သုတဓမ္မဒီပလိုမာစာမေးပွဲများကို ခြောက်လ တစ်ကြိမ်နှုန်းနဲ့ တစ်နှစ်လျှင် စာမေးပွဲနှစ်ကြိမ်ဖြင့် နယ်စာစစ်ဌာနများအလိုက် နှစ်စဉ်ကျင်းပဆောင်ရွက်လျက်ရှိပါတယ်။ ယခုနှစ်အတွက် ပထမအကြိမ်စာမေးပွဲကို လာမည့်ဇွန်လမှာ ကျင်းပသွားမည်ဖြစ်ပြီး အဆိုပါစာမေးပွဲကို ဖြေဆိုကြမည့် ဧရာဝတီတိုင်းဒေသကြီး၊ ဘိုကလေးမြို့နယ်မှ ရဟန်း/ရှင်/လူများအနေနဲ့ စာမေးပွဲအား လွယ်ကူစွာ ဖြေဆိုအောင်မြင်နိုင်ရန် Level အလိုက်သင်တန်းများအား ဘိုကလေးမြို့ကျက်သရေဆောင် မြို့မဆွမ်းလောင်းအသင်း ဓမ္မာရုံကြီးမှာ မတ်လ ၁၁ ရက်က စတင်ဖွင့်လှစ်ပို့ချပေးလျက်ရှိကြောင်း သိရပါတယ်။ အဆိုပါသင်တန်းကို ဘိုကလေးမြို့နယ်မှ ဆရာမ ဒေါ်နန္ဒာလုလု(လယ်တီကမ္မဋ္ဌာနာစရိယ) အဘိဓမ္မာ ဂုဏ်ထူးဆောင်မှ မတ်လ ၁၁ ရက်မှ ၁၆ ရက် အထိ Level-3 သင်တန်းကို၊ မတ်လ ၁၈ ရက်မှ ၂၃ ရက်ထိ Level-2 သင်တန်းနဲ့ မတ်လနှောင်းပိုင်းမှာ Level-1 သင်တန်းတို့ကို နေ့စဉ် ညနေ ၃ နာရီမှ ၅ နာရီအထိ သင်ကြားပို့ချပေးသွားမှာဖြစ်ပါတယ်။ (NVS 004)