စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ယခုတစ်ပတ်အတွက်ထုတ်ပြန်တဲ့ စားအုန်းဆီ ရန်ကုန်အထိုင်ဈေး၊ အခြေခံလက်ကား ရည်ညွှန်းဈေးနှုန်းမှာ ယခင်တစ်ပတ်ကထက် ထပ်မံကျဆင်းလာတာတွေ့ရပါတယ်။ ပြီးခဲ့တဲ့မတ်လ ၃ ရက်ကနေ ၉ ရက်အထိ တစ်ပတ်တာကာလအတွင်း ရောင်းချရမယ့် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းက ၆,၉၀၅ ကျပ် ဖြစ်ခဲ့ရာကနေ ယခုတစ်ပတ်တာကာလဖြစ်တဲ့ မတ်လ ၁၀ ရက်ကနေ ၁၆ ရက်အထိ အထိရောင်းချရမယ့် ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းက ၆,၈၉၀ ကျပ်ဖြစ်လို့ ၁၅ ကျပ် ကျဆင်းလာခဲ့ပါတယ်။ အခုလိုထုတ်ပြန်တဲ့ဈေးနှုန်းတွေက စားအုန်းဆီအဓိကထုတ်လုပ်တင်ပို့တဲ့ မလေးရှားနိုင်ငံမှာ ဖြစ်ပေါ်နေတဲ့ FOB ဈေးနှုန်းတွေကို နေ့စဥ်စောင့်ကြည့်ပြီး သယ်ယူပို့ဆောင်ခကုန်ကျစရိတ်တွေနဲ့ ဘဏ်စရိတ်တွေ၊ အခွန်အခ တွေကို ထည့်သွင်းတွက်ချက် ထုတ်ပြန်ထားကြောင်း သိရပါတယ်။ (NVS 004)