သီတဂူဆရာတော်ကြီး၏ သက်တော်(၈၈)နှစ်ပြည့် ဝိဇာတမွေးနေ့အလှူကို မတ် ၁၁ ရက် နံနက် ၇ နာရီမှာ စစ်ကိုင်းတောင်ရိုးရှိ သီတဂူအပြည်ပြည်ဆိုင်ရာ ဝိပဿနာတက္ကသိုလ်၌ ကျင်းပခဲ့ပြီး အဆိုပါမွေးနေ့အလှူတော် ပထမနေ့တွင် သီလရှင်အပါး ၁,ဝဝဝ အား ဆွမ်းဆန်တော်၊ ဆီ၊ ပဲ၊ ဆေးနှင့် လှူဖွယ်ပစ္စည်းများ လှူဒါန်းခဲ့ကြောင်း သိရပါတယ်။ ဆရာတော်ကြီး၏ မွေးနေ့အလှူတော်အဖြစ် စစ်ကိုင်းတောင်ရိုးတွင် ဝိပဿနာတရားများ ပွားများအားထုတ် နေသည့် သီလရှင်ဆရာကြီး/ဆရာလေးများအား စစ်ကိုင်းတိုင်းအစိုးရအဖွဲ့တာဝန်ရှိသူများ၊ စစ်ကိုင်းမြို့ရှိဌာနဆိုင်ရာ များ၊ ပြည်တွင်း/ပြည်ပမှ စေတနာရှင်အလှူရှင်များနှင့် ဖိတ်ကြားထားသူများက ဆွမ်းဆန်တော်၊ ဆီ၊ ပဲ၊ ဆေးနှင့် လှူဖွယ်ပစ္စည်းများ လောင်းလှူခဲ့ပါတယ်။ အလှူခံကြွရောက်လာကြသည့် ဆရာကြီး/ဆရာလေးများက သီတဂူ ဆရာတော်ကြီး၏ ဝိဇာတမွေးနေ့အလှူ ကောင်းမှုကုသိုလ်များအတွက် မေတ္တာပို့အမျှပေးဝေခဲ့ကြပါတယ်။ သီတဂူဆရာတော် ဒေါက်တာ အရှင် ဉာဏိဿရ ၏ သက်တော်(၈၈)နှစ်ပြည့် ဝိဇာတမွေးနေ့အလှူတော်တွင် စစ်ကိုင်းတိုင်းဒေသကြီး အစိုးရအဖွဲ့၊ စစ်ကိုင်းမြို့ရှိဌာနဆိုင်ရာများ၊ ပြည်တွင်း/ပြည်ပမှ စေတနာရှင်အလှူရှင်များက ဆွမ်းဆန်တော် ၁,၀၀၀ အိတ်၊ ဆီ ၂,၀၀၀ ပိဿာ၊ ပဲတစ်ပြည်ဝင်အိတ် ၁,၀၀၀ အိတ်နှင့် လှူဖွယ်ပစ္စည်းများအား လောင်းလှူခဲ့ကြကြောင်း သိရပါတယ်။(NVS 004)