“ရန်ကုန်တိုင်းဒေသကြီး၌ နွေရာသီသင်တန်း ၉၆ ကြိမ် ဖွင့်လှစ်သင်ကြားမည်”

11 Mar

ရန်ကုန်တိုင်းဒေသကြီး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ကြီးမှူးကျင်းပတဲ့ နွေရာသီသင်တန်း များ ဖွင့်ပွဲအခမ်းအနားကို မတ်လ ၁၀ ရက်က ရန်ကုန်အနောက်ပိုင်းခရိုင်(ဗဟန်း)လူထုအခြေပြုဗဟိုဌာနခန်းမမှာ ကျင်းပ ခဲ့ကြောင်း သိရပါတယ်။ အခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း တက်ရောက်ခဲ့ပြီး သင်တန်းသား သင်တန်းသူများ အနေနဲ့ ကြိုးစားသင်ယူလေ့ကျင့်ပြီး မိမိတို့ ကျောင်း၊ မြို့နယ်၊ တိုင်းဒေသကြီးတို့၏ ဂုဏ်ကိုမြှင့်တင်နိုင်တဲ့ လူတော် လူကောင်းများဖြစ်အောင် ဆောင်ရွက်ပေးစေလိုကြောင်း အားပေးစကားပြောကြားခဲ့ပါတယ်။ ဆက်လက်ပြီး တိုင်းဒေသကြီးပြန်ကြားရေးနှင့်ပြည်သူ့ဆက်ဆံရေးဦးစီးဌာန ညွှန်ကြားရေးမှူး ဒေါ်ခင်စောလင်း က သင်တန်းဖွင့်လှစ်ခြင်းနှင့် ပတ်သက်ပြီး ရှင်းလင်းပြောကြားကာ တိုင်းဒေသကြီးဝန်ကြီးချုပ်က နွေရာသီသင်တန်းများ ဖွင့်လှစ်နိုင်ရေးအတွက် ပံ့ပိုးငွေကျပ် ၁၅,၉၄၃,ဝဝဝ ပေးအပ်ခဲ့ပါတယ်။ ဖွင့်လှစ်သင်ကြားပေးမည့် နွေရာသီသင်တန်းများတွင် သင်တန်းအမျိုးအစား ၁၅ မျိုး၊ သင်တန်းအကြိမ်ပေါင်း ၉၆ ကြိမ် ကျင်းပသွားမည်ဖြစ်ကြောင်း သိရပါတယ်။ (NVS-004)

11 Mar

ADVERTISE HERE .