၂၀၂၄ ခုနှစ် မြန်မာ့ရုပ်ရှင်ထူးချွန်ဆုရ ဇာတ်ကားများကို ပထမဦးဆုံးအကြိမ်အဖြစ် ပြန်လည်ပြသမည့် မြန်မာ့ရုပ်ရှင်ရက်သတ္တပတ်ဖွင့်ပွဲအခမ်းအနားကို မတ်လ ၉ ရက်(ယနေ့)နံနက်ပိုင်းတွင် ရန်ကင်းမြို့နယ်၊ မိုးကောင်း လမ်းရှိ၊ မြဝတီမီဒီယာစင်တာတွင် ကျင်းပပြုလုပ်ခဲ့ကြောင်း သိရပါတယ်။ အဆိုပါ မြန်မာ့ရုပ်ရှင်ရက်သတ္တပတ်ဖွင့်ပွဲကို မြန်မာနိုင်ငံရုပ်ရှင်အစည်းအရုံး ဥက္ကဋ္ဌ အကယ်ဒမီ ဦးကြည်စိုးထွန်း နှင့် တာဝန်ရှိသူများက ဖဲကြိုးဖြတ်ဖွင့်လှစ်ပေးခဲ့ပြီးနောက် မြန်မာ့ရုပ်ရှင်ရက်သတ္တပတ်ကြော်ငြာနှင့် မြဝတီမီဒီယာ စင်တာကြော်ငြာတို့အား ကြည့်ရှုကာ မှတ်တမ်းတင်ဓာတ်ပုံများ ရိုက်ကူးခဲ့ကြပါတယ်။ မြန်မာ့ရုပ်ရှင်ထူးချွန်ဆုရဇာတ်ကား ၆ ကားကို မြဝတီမီဒီယာစင်တာရှိ STAR Cinema တွင် မတ်လ ၉ ရက်မှ ၂၉ ရက်အထိ ပြန်လည်ပြသသွားမှာဖြစ်ပြီး မတ်လ ၉ ရက်မှ ၁၁ ရက်အထိ ‘ဘိုးတော်ကင်း’၊ မတ်လ ၁၃ ရက်မှ ၁၅ ရက်အထိ ‘ချစ်သူသာ ပန်းတစ်ပွင့်ဖြစ်ခဲ့လျှင်’၊ မတ်လ ၁၆ ရက်မှ ၁၈ ရက်အထိ ‘မီး’၊ မတ်လ ၂၀ ရက်မှ ၂၂ ရက်အထိ ‘နှောင်’၊ မတ်လ ၂၃ ရက်မှ ၂၅ ရက်အထိ ‘အိပ်မက်ကာရန်’နှင့် မတ်လ ၂၇ ရက်မှ ၂၉ ရက်အထိ ‘တိမ်ပန်းချီ’ ဇာတ်ကားတို့ကို နေ့စဉ် မွန်းလွဲ ၁ နာရီနှင့် ညနေ ၄ နာရီတို့မှာ ပွဲချိန် ၂ ချိန်စီ ပြသသွားမှာဖြစ်ကာ ရုံဝင်ကြေးအဖြစ် ငွေကျပ် ၁၀,၀၀၀ နှင့် ၅၀၀၀ အဖြစ် သတ်မှတ်ထားကြောင်း သိရပါတယ်။(NVS 004)