၂၀၂၅ ခုနှစ်၊ တက္ကသိုလ်ဝင်စာမေးပွဲကာလအတွင်း YBS ယာဥ်များ ထပ်တိုးပြေးဆွဲပေးမှာဖြစ်သလို အဆိုပါ တိုးချဲ့ပြေးဆွဲပေးမယ့် YBS ယာဥ်များအတွက် CNG အလွယ်တကူရရှိနိုင်အောင် စီစဥ်ပေးသွားမယ်လို့ ရန်ကုန်တိုင်း ဒေသကြီး ပုဂ္ဂလိကအများပိုင်သယ်ယူပို့ဆောင်ရေးကြီးကြပ်မှုကော်မတီ YRTC ထံက သိရပါတယ်။ လက်ရှိတွင် YBS ယာဉ်အစီးရေ ၃,၀၀၀ နဲ့ ၃,၅၀၀ ခန့်ကို နေ့စဉ်ပြေးဆွဲပေးနေပြီး လာမယ့်မတ်လ ၁၇ ရက်‌မှာ ကျင်းပမည့် ၂၀၂၅ ခုနှစ်၊ တက္ကသိုလ်ဝင်တန်းစာမေးပွဲကို ဖြေဆိုကြမည့် ကျောင်းသား/ကျောင်းသူများ သွားလာရေး လွယ်ကူစေရန်အတွက် ယာဉ်အစီးရေ ၄,၀၀၀ အထိ တိုးမြှင့်ပြေးဆွဲပေးသွားမှာဖြစ်ကြောင်း YRTC ရဲ့ တွဲဖက်အတွင်း ရေးမှူး ဦးလျန်ကျင့်မာန် က ပြောကြားခဲ့ပါတယ်။ တက္ကသိုလ်ဝင်စာမေးပွဲမတိုင်မီနဲ့ ဖြေဆိုချိန်ကာလအတွင်း ကျောင်းသား/ကျောင်းသူ‌များ သက်ဆိုင်ရာ ကျောင်းများသို့ သွားလာမှုအဆင်ပြေစေရေးအတွက် မော်တော်ယာဉ်များတိုးချဲ့ပြေးဆွဲနိုင်အောင် ဆောင်ရွက်ပေးရန် နိုင်ငံတော်စီမံအုပ်ချုပ်ရေးကောင်စီရုံးမှ ညွှန်ကြားထားမှုကြောင့် YBS ယာဉ်လိုင်းများမှ မော်တော်ယာဉ်စီးရေ တိုးမြှင့် ပြေးဆွဲပေးသွားမှာဖြစ်သလို ယာဉ်‌ကြောပိတ်ဆို့မှုမဖြစ်ပေါ်စေရေးအတွက် စည်းကမ်းထိန်းသိမ်း‌ရေးနှင့် စစ်ဆေးရေး ဌာနမှ စစ်ဆေးရေးအဖွဲ့ ၁၀ ဖွဲ့နဲ့ ဆောင်ရွက်ပေးသွားမှာဖြစ်ကြောင်း သိရပါတယ်။(NVS 004)