ငါးမွေးမြူသူများအနေနဲ့ ဧပြီလမှစ၍ ငါးသားပေါက်များ ပြန်လည်ထည့်သွင်းမွေးမြူကြမှာဖြစ်လို့ ကြီးထွားနှုန်း ကောင်းမွန်တဲ့ ငါးသားပေါက်များကို ထည့်သွင်းမွေးမြူ၍ ဝင်ငွေတိုးတက်ရရှိစေရန် တိုင်းဒေသကြီး/ပြည်နယ် အသီးသီးရှိ ငါးလုပ်ငန်းစခန်း ၂၅ ခုမှ ငါးမြစ်ချင်း၊ ရွှေဝါငါးကြင်း၊ ငါးခုံးမကြီး၊ ငါးခေါင်းပွ၊ ငါးကြင်းဖြူ၊ ငါးတန် နဲ့ ရေချိုငါးမုတ် စတဲ့ ဈေးကွက်ဝင်ရေချိုငါးသားပေါက်များကို သက်သာသောဈေးနှုန်းများဖြင့် ရောင်းချပေးမည် ဖြစ်ကြောင်း ငါးလုပ်ငန်းဦးစီးဌာနမှ သိရပါတယ်။ ငါးသားပေါက်များကို ဝယ်ယူလိုသူများအနေဖြင့် နေပြည်တော်ရေဆင်းငါးလုပ်ငန်းစခန်း ၀၉-၇၉ ၁၀၉၅၀၆၀၊ ရန်ကုန်လှော်ကားငါးလုပ်ငန်းစခန်း ၀၉-၇၈၃၇၈၈၁၆၃၊ လေးဒေါင့်ကန်ငါးလုပ်ငန်းစခန်း ၀၉-၄၂၈၅၀၆၂၀၀၊ ပဲခူး ငါးလုပ်ငန်းစခန်း ၀၉-၄၂၅၃၀၀၅၆၈၊ မန္တလေး သရက်ကုန်းငါးလုပ်ငန်းစခန်း ၀၉- ၄၅၆၀၀၃၀၂၇၊ သထုံငါးလုပ်ငန်း စခန်း ၀၉-၇၉၃၄၅၅၀၀၈၊ ပုသိမ်ငါးလုပ်ငန်းစခန်း ၀၉-၇၈၇၉၈၀၆၀၆ နှင့် မအူပင် တလုပ်လှငါးလုပ်ငန်းစခန်း ၀၉-၇၈၁၅၉၂၀၀၃ တို့ထံ ဆက်သွယ်စုံစမ်းဝယ်ယူနိုင်မှာဖြစ်ပါတယ်။ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ငါးလုပ်ငန်းဦးစီးဌာနက ပြည်တွင်းငါးစားသုံးမှု တိုးတက် စေရေးနှင့် စားရေရိက္ခာဖူလုံစေရေး၊ ငါးမွေးမြူရေးလုပ်ငန်း ဖွံ့ဖြိုးတိုးတက်စေရေးအတွက် ငါးလုပ်ငန်းဦးစီးဌာန အောက်ရှိ ငါးလုပ်ငန်းစခန်း ၂၅ ခုမှ ငါးသားပေါက်များအား ထုတ်လုပ်ဖြန့်ဖြူးရောင်းချပေးလျက်ရှိသလို ရေအရည်အသွေး တိုင်းတာစစ်ဆေးပေးခြင်း၊ ငါးရောဂါရှာဖွေစစ်ဆေးပေးခြင်းများကိုလည်း ဝန်ဆောင်မှုပေးလျက် ရှိကြောင်း ငါးလုပ်ငန်းဦးစီးဌာနမှ သိရပါတယ်။(NVS 004)